情人節|莊韻澄頻被張致恆出賣 絕望遇上絶世好兵:忠誠比錢重要

撰文:馮嘉曦
出版:更新:

不少女生對「情人節」充滿幻想,想像與愛人在燭光、鮮花下共渡難忘一夜。然而,莊韻澄(Xenia,前名莊端兒)最難忘的情人節卻是荒誕、失望甚至憤怒。

2016年,Xenia跟拍了三年拖但頻頻出軌的張致恆(Steven)分手。有年情人節,她收到對方邀約敍舊:「佢一上到嚟已經收到追魂Call,就知佢又講大話,我話『其實你係咪有地方要去,不如你走啦』,佢好尷尬咁話女伴呢幾個鐘唔得閒。咁即係搵我揳時間⋯⋯當時我好嬲,就同佢講『其實你呢幾個鐘唔搵我,自己喺屋企唞下都好應該。』」

(黃寶瑩攝)

背叛中,認清事實

在過往感情經歷中,Xenia坦言與Steven的戀情對她影響最深:「(對方)太唔忠誠,太多大話,仲要啲大話係呃我唔到,反而覺得少少侮辱我智慧。」

男方在人前表現得很愛她,人後卻一直出賣她,「覺得好恐怖」。某天記者來電告訴她男方又出軌,那種仿佛全世界都知道,只有自己被暪騙的感覺非常震撼。她找男方「講數」,對方一句話終令她醒過來:「佢第一句就話『呢個世界冇話邊個冇咗邊個唔得㗎』。呢句說話我記到依家,我咁愛佢,但原來佢從來冇認定過我。」

男方一次又一次出軌,Xenia亦一次又一次原諒。然而傷害越深,學到的越多,她自省過往只是單方面付出,但委屈自己並無法換來真愛。

(黃寶瑩攝)

16歲初戀,擇偶條件一直是「靚唔靚仔」及「有幾高」。經歷過4段戀情,也被前度傷到入骨,Xenia用數年時間沉澱,直至遇上比她少5歲 ,做IT Marketing的老公呂成忠(Joe)。

(受訪者提供)

👇🏻👇🏻👇🏻點擊圖片看Xenia專訪現況照👇🏻👇🏻👇🏻

+11

鋼鐵直男,終於遇上

兩人起初只是朋友,當時男方已有女友。Xenia 記得有次家中冷氣機漏水,電子琴也被浸壞,Joe兩脇插刀幫手修理,她還發牢騷抱怨,Joe卻安慰她一定可以修好。「當時睇住佢,覺得以後搵男友都要搵個好似佢咁暖嘅人⋯⋯望住佢先知原來世界上仲有好男人。」

他們中間有段時間沒聯絡,直到2019年8月,Xenia才在朋友的生日會上重遇回復單身的Joe,兩人才正式開始。Xenia笑指Joe是「直男癌」,一個字形容他:慢, 連開口表白也慢過人。「佢有日突然喺餐廳問我有冇諗過要一齊,嗰吓除咗尷尬,其實我等咗佢開口好耐。」首次送禮物,竟送電子通話戒指:「都唔敢話佢知我將隻戒指放埋一邊。」她失聲笑道。

鋼鐵直男雖非靚仔類,卻對她甚認真。 兩人曾找風水師傅夾八字,「佢對住風水師傅好認真咁話已經預備好自己,想同我結婚。佢夠膽對住一個長輩咁講,我感受到佢唔係玩玩吓。」拍拖後Xenia首個生日,Joe帶著她訂製結婚戒指:「佢話搵咗好多款都覺得唔靚,我先知佢一早為結婚預備。婚後佢都好珍惜隻戒指,真係24小時都唔會除。」

Joe送給Xenia的「直男禮物」,金色的結婚戒指是自己親手打造的。(黃寶瑩攝)

👇🏻👇🏻👇🏻點擊圖片看Xenia和Joe甜蜜生活照👇🏻👇🏻👇🏻

+1

愛忠誠,比錢重要

兩人去年剛宣布結婚,外界有消息指Joe破產,Xenia 亦對傳媒大方承認。對於家境不俗,18歲就買樓,高峰期擁有10層樓的Xenia來說,經濟差距並不阻礙兩人發展。情傷和背叛可以放下,但不會被抹去,所以「忠誠」遠比金錢重要。她說認識Joe時已知道他的經濟狀況:「我哋經濟獨立嘅,佢唔會要我哋幫手。但佢對我好好係真嘅,呢樣先係最重要。」

40歲的Xenia 現已懷胎7個月,她亦為將為人母作準備,還不時在Instagram請網友幫手改寶寶的花名,過去為情所困的她仿佛不復存在。

(黃寶瑩攝)

愛情路上,跌過才會成長。以前的情人節有傷害有失望;今年是婚後首個情人節,Xenia有問過Joe要怎樣過,他一如既往地慢,採訪日還說未有安排,不過她深信,今個情人節是值得等待的。

同場加映︰日本占卜出生日期測2021年戀愛運 數字9有大轉變、數字3有望脫單

2021年不知道大家有甚麼目標?相信不少人會希望在今年「出Pool」,有暗戀對象的不知如何部署,未有對象的更加無從入手。不如看看你今年的戀愛運再從長計議吧。

👇🏻👇🏻👇🏻點擊圖片看占卜結果及暗戀對象攻略法👇🏻👇🏻👇🏻

+11

點擊看全文︰日本占卜出生日期測2021年戀愛運 數字9有大轉變、數字3有望脫單

👉👉按此睇更多日本爆笑節目🤣/Twitter潮流話題🔥🔥