【金像獎2018】黃秋生批有網媒扭曲講詞 足本內容睇清楚唔好亂傳

撰文:
最後更新日期:

金像獎2018雖然已經結束了一天,不過各方面的討論聲音仍然沒有靜下來,包括各大獎項的討論、表演的表現、各人的致辭等,尤其是楚原的一番發人深醒的說話。不過除了楚原,黃秋生在台上的致辭也有一番討論,不過並不是討論他的說話,而是昨日網上傳出一番並不是來自他口中的說話,而變成了是他說出。此事相當奇怪,一間傳媒傳出後,多方人士立即瘋傳,造成多方「撞車」的情況出現。現在就為大家附上秋生的足本對白,大家睇清楚喇!

黃秋生在今年金像獎台上的一番言論被網媒扭曲指他暗罵成龍,令秋生感到十分無奈。(陳順禎攝)

各位午安,好多謝金獎像再次俾呢個機會我企喺呢度等我同大家見面。香港嘅步速呢就好快嘅,如果有一個人喺某一個範疇入面消失咗兩三年呢,就好多人都唔知道佢係乜水㗎喇,所以呢就容許我趁呢個機會介紹吓我自己先。我中文名呢就係黃秋生,個意思即係話雖然黃咗喇,但喺秋天嘅時間仲有生命跡象咁解,即係好似香港電影咁樣,好有生命力。我嘅職業呢係一個waiter,waiter係一個電影藝術嘅專用詞,意思即係等待咁解,唔係侍應。我等咩呢?等埋工喇等工作喇等運到喇等等等等,有陣時我係一個actor,actor唔係解作行動者,係解作演員咁解啫。但其實我真正身份係一個編劇。
黃秋生

究竟佢講乜?(電視畫面)

上個禮拜我同一個老友傾偈,傾開話寫劇本最重要嘅元素係咩呢?佢話最重要呢係有兩個元素,第一個元素係出人意表,另一個元素就叫做情理之中意料之外。咁我就話出人意表同意料之外係同一樣嘢喇吓話?佢話唔係,有少少唔同,出人意料就係你估唔到嘅,情理之中意料之外呢就係好合理嘅,但你又係估唔到嘅,咁我問例如係點樣呀?例如出年仲有無香港電影呢?呢個就係出人意表喇,你估唔到。但情理之中意料之外呢就係,喂我哋年年都有香港電影喎,好合理呀。Ok,我睇而家睇吓提名嘅片段,睇吓邊套係情理之中意料之外。
黃秋生

【金像獎2018】古天樂奪影帝5000網民激讚:佢對香港電影仲有團火

【金像獎2018】楚原奪終身成就獎爆粗嘆好景不常:拍咗幾部仆X片

【金像獎2018】古天樂曾公開坦承犯錯 入行24年低調行善回饋社會

由於自己的發言被嚴重扭曲,甚至有傳媒記者無中生有改寫其內容,黃秋生終忍不住發聲明評擊和澄清,他昨晚(16日)在facebook發長文以「沒有最荒謬,只有更荒謬。」為題作出回應,表示自己花了一星期寫講稿,也有交給大會過目,本來是想為香港電影業打打氣,結語是「我們每年都有香港電影」,他從未說過「有個政協在北京說…」這些字眼,直指有某個網媒和某個「網咖」把他的說話亂編到政治層面去,他本人是絕不支持港獨,批評始作俑者惡毒。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。