【康城影展】大星行得 大媽又行得 到底行康城紅地氈有咩準則?

撰文:
最後更新日期:

第71屆康城電影節於日前開幕,而開幕第一壇盛事就係行紅地氈。每年各大小明星都出盡法寶在這個時刻爭艷,而近年更眼見流入不少不知名的大媽大姨,拖慢節奏行,亂賣性感,但問到為哪出電影出席時,又之吾以對,到底要踏上這個國際級的聖地,需要具備咩條件呢?

昨日呢位大媽一出場,大家心中都泛起一個疑問︰「佢關康城咩事?」(微博圖片)

有留意昨日康城開幕,都見到有位內地大媽於紅地氈上谷胸,兼跌低搏搶鏡。雖然說她都算是半個藝人,但跟今屆參展的作品又零關係。到底作為一個國際影壇盛事之地,點解又容許有咁多閒雜人等入場呢?

呢下跌倒,令網民質疑佢扮跌搶鏡。(微博圖片)

就住呢個現象,《香港01》訪問了有多年參與康城影展經驗,百老匯電影中心總監麥聖希(Gary)。他坦言近年的確愈來愈多人行紅地氈,近年固然多了批內地不知名藝人,但昔日都有不少法國當地四五線明星,都會搏大霧出席。

能夠輕易入場,全因紅地氈門券易買過黃子華飛。Gary︰「因為那些門票很多地方可以拿到,只要你是電影工業內人員,都會有門路拎到。」除了循正常渠道得到,原來呢種入場券都有得炒!Gary︰「據我所知,的確有人會將這張入場券,當黃牛飛去賣,原因是門券沒有姓名登記,大會不會核對資料,更不需要證明你跟某套電影有關才讓你進場,是相當寬鬆的,而大部分人更是行完紅地氈就走。」可以話全程認飛唔認人,有飛就可以行紅氈。

今年范冰冰都有出席紅地氈,但人家真係有戲上。(VCG)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。