【東方華爾街】大結局監獄戲掀高潮 羅家英張孝全仇人見面

撰文:
最後更新日期:

原創迷你劇《東方華爾街》已來到尾聲,將於今日(14/6)播出大結局。劇中角色關係複雜,時有出賣背叛,但有時又會放下成見來個短暫式合作。不過來到最後一集,似乎一切都已成定局,而上集講到張孝全也因為非法勾當,被警方逮捕,大結局將要在獄中過。

三大股壇大鱷,被張孝全玩到陀陀擰,仲坐埋監。(劇照)

短短5集的《東方華爾街》,不經不覺已來到最後一集。由於只有5集篇幅,劇情發展都非常緊湊。上集講到向來已經不太和諧的兩師徒張孝全、吳鎮宇,因為要爭取議員的選票,無所不用其極,搞到當面決裂,難再修補。而且張孝全也愈來愈走火入魔,為成功不摘手段,連隊友都出賣。不過由於手段太踩界,最終都被警方逮捕。

雖然係坐監,但邊得你坐得咁靚仔。(劇照)

從最後一集的劇照所見,張孝全的確要為自己所做的一切負責任,鋃鐺入獄,而最慘係在獄中遇見仇家,股壇三大惡人羅家英、張雷及大AL 張武孝,3位本來隻手遮天,但就因為被張孝全睇中他們的貪念,瞓身去碼點知輸身家仲慘到要入獄做監躉,睇嚟大壽都應該要入面過。仇口咁深,張孝全有冇好日子過呢?定還是兩邊都仲有合作機會,試圖來個鹹魚翻生?咁就要睇埋大結局先知。

大魚大肉開的三位大鱷,要食清淡啲喇。(劇照)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。