【G殺】李任燊與杜汶澤拍戲感難忘:覺得佢係鐵漢柔情

撰文:
最後更新日期:

電影《G殺》昨日(13日)舉行首映禮,飾演亞氏保加症病人Don仔的李任燊(Kyle),自言已經是第四次看電影,被問到覺得自己演得如何,Kyle說:「我覺得自己演得ok,因為我第一次睇嘅時候,同之前嘅作品相比,未試過當下嘅情緒咁複雜,睇Don仔呢個角色嘅時候,睇到自己都覺得個心好多情感,因為導演要我哋自己有感覺,要感動咗自己觀眾先會覺得感動,我相信都還好嘅,希望觀眾會喜歡。」

李任燊認為作為演員應多接觸不同戲種,無論是正在做的電影、電視,還是還未挑戰過的話劇都想嘗試。(陳順禎攝)

李任燊說在電影中最難忘的是與杜汶澤拍的一場戲:「角色設定上我係杜生嘅下把,所以大部分時間我都係聽佢講嘢多,但呢場戲係我需要反客為主,我唔完全劇透啦,但因為一個原因,需要去大返佢。嗰場戲我真係好緊張,杜生佢做龍爺個角色,氣勢氣燄都做得好好,從一開始接觸佢到我哋拍攝,你真係感受到佢係嗰個角色,其實真係好大壓力,而且場戲係要主客調轉,我唔係做下把,做下把容易好多,所以場戲我花咗整整兩日時間去催眠自己。」

李任燊正在拍攝TVB新劇《致所有愛過的人》,飾演陽光樂天的莫宇謙;對於能在劇中跟林文龍、黃翠如等前輩演員學習感到高興。(陳順禎攝)

李任燊又感謝杜汶澤的幫助:「好深刻嘅係因為嗰場情緒比較多,有個位係幾轉折嘅,杜生唔係同我講,佢同啲Crew講:『你哋快啲手啦,佢(指李任燊)咁樣頂唔到好耐㗎!』意思係我喺個狀態好辛苦,其實我一真要維持住個情緒,所以我嗰下覺得杜生係鐵漢柔情!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。