【復仇者聯盟4‧有雷】參戰英雄逐個數　呢位要用放大鏡先睇到

《復仇者聯盟4：終局之戰》終於上映，相信影迷最想看到眾多角色結集一起抗敵。小編為大家盤點有份參戰的角色，睇吓自己留意到幾多個，未入場就留返之後重溫啦！（以下內容涉及劇透，請斟酌閱讀）

＊＊＊以下內容涉及劇透，請斟酌閱讀＊＊＊

1. 美國隊長：作為元祖復仇者成員，今集率領一眾英雄與魁隆決一死戰，呢一幕真係睇到眼濕濕。

2. 鐵甲奇俠：多得佢先成功挽回滅世局面，相信影迷會永遠懷念這個角色。

3. 雷神：《復仇者4》令觀眾看到其另一面，但他英雄的形象永遠不會改變！

4. 變形俠醫：以驚喜新形象出現，仍然咁勁揪！

5. 鷹眼／浪人：終於等到最後一位元祖復仇者回歸，比以前更有型。

6. 黑寡婦：多謝你嘅付出！最美麗嘅超級英雄。

7. 火箭浣熊：雖然口硬，但實際係最賣力嘅一位！

8. 涅布娜：改邪歸正值得一讚！

9. 蟻俠：多得帶來量子領域，才能成就一切。

10. War Machine：其中一位元祖級角色。

11. Marvel隊長：宇宙最強超級英雄，期待以後的發展。

12. 「小辣椒」Pepper Potts：好高興見到鐵甲奇俠終於成家立室，在戰場上小辣椒都係最佳賢內助。

13. 寒冬戰士：上集已化灰角色，再次登場時令觀眾好激動！

14. 飛隼：上集已化灰角色，登場時對美國隊長說：「我在左手邊」，令觀眾會心微笑。

15. 黑豹：上集已化灰角色，雖然明知會翻生，但作為第一位登場的翻生角色，真係忍唔住想高叫「Wakanda Forever」。

16. Shuri：上集已化灰角色，同黑豹一齊出場氣勢十足。

17. Okoye：「黑豹隊」中唯一避過化灰的角色，傍住黑豹出場好有型。

18. M'Baku：上集僅存的《黑豹》角色之一，今集率領Wakanda軍隊再戰魁隆！

19. Wakanda大軍：上集大戰死傷慘重，今集翻生捲土重來，氣勢十足！

20. 星爵：上集已化灰角色，雖然被指千古罪人，但這位英雄絕對值得多一次機會。

21. 樹人Groot：上集已化灰角色，好開心再次聽到「I am Groot」。

22. Drax the Destroyer：上集已化灰角色，今集翻生參戰好落力！

23. 螳螂女：上集已化灰角色，今集同其他銀河守隊成員一齊翻生。

24. 嘉魔娜：這個角色不算翻生，因為於上集滅世前已死亡，但今集透過時間旅行再次出現，有份協助英雄們對付魁隆。

25. Kraglin：《銀河守護隊》中Yondu的手下，今集有份參戰，但應該要放大鏡先睇到佢喺邊！

26. Ravagers：Yondu生前旗下的宇宙傭兵集團「破壞者」幾位成員都有參戰，但要細心留意先發現。

27. 奇異博士：第一個知道結局但堅持唔劇透嘅人，今集仲由佢帶返晒所有英雄出嚟參戰，呢一幕好震撼！

28. Wong：上一集喺紐約好快消失，今集同奇異博士一齊參戰。

29. 一眾法師：相信已入場嘅觀眾，都會見到成堆法師一齊出現，施展魔法抵抗魁隆大軍。

30. 女武神Valkyrie：與雷神帶住僅存的聖域界子民在地球定居，仲再次以聖域界戰士身份騎著飛馬參戰。

31. Korg與Miek：在《雷神3》與雷神成為好友，今集到地球定居後，仲一同上戰場。

32. 黃蜂女：既然有蟻俠，又點少得呢位最佳拍檔，兩人走埋一齊就特別出色。

33. 蜘蛛俠：相信係觀眾最想翻生的角色之一，可是今次要面對鐵甲奇俠死去，實在心酸。

34. Howard the Duck：僅於《銀河守護隊》彩蛋中出現過，想不到今集會成為復仇者大軍一員！提提大家，這個角色在黃蜂女出場時的偷偷現身，真係要落足眼力先睇到。