【白頭山火山浩劫】三大型男林秀怡從樣入手 「男友個樣就麻麻」

撰文:
最後更新日期:

韓國電影《白頭山︰火山浩劫》昨晚(23日)舉行首映,林秀怡也有出席,面對電影中三大型男李炳憲、河正宇、馬東石,秀怡非常老實,坦言自己一定靚樣行先,結果李炳憲勝出。而最近被傳媒拍到跟男友行街,男友在外貌方面又是甚麼級數呢?

林秀怡今年未能跟男友一齊慶祝聖誕,大家各有各忙。(陳順禎 攝)

向來對韓國潮流文化有研究的秀怡,因為多看韓劇韓片,所以特別多韓仔鍾意,最迷的是車太鉉。至於《白頭山︰火山浩劫》的三位型男,她就鍾情李炳憲。「馬東石都型,但只係型,好Man那種。」同一尺度,又有冇放落揀男朋友上?「冇呀,揀男友反而冇睇樣,我比較注重兩人相處,好似現任男友,就是被他的工作態度吸引住,至於樣就麻麻,哈哈……」

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

講到三大型男,秀怡首選李炳憲。(陳順禎 攝)

問到今年聖誕會點過?「各有各忙啊,聖誕節正日他要開劇,所以忙於睇景,到時都會日忙夜忙,我唯有返自己舖頭。」雖然正日未必見到,但兩位都有提早交換禮物。「好搞笑,我們是逛街時,見到件褸好靚,我話送給你做聖誕禮物。然後見到個袋靚,就叫他送給我交換禮物,完全沒有驚喜。雖然我都想有驚喜,希望他看到這個訪問。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。