怪物先生｜余文樂做「怪物獵人」 改編美國小說24蚊人仔有得睇
撰文：許育民
出版：更新：
由於中國市場唔畀拍鬼片題材，從而衍生出不少怪獸、妖怪等故事，而余文樂最新的一部網絡電影《怪物先生》，同樣走這套路，化身「怪物獵人」，而戲中仲有好耐冇見，憑《踏血尋梅》奪金像獎最佳女主角的春夏。
《怪物先生》，重點當然是怪物，不過其恐怖程度欠奉，係《提妖記》級別。（影片截圖）
《怪物先生》改編自美國奇幻小說作家 A. Lee Martinez 作品Monster，導演是《全力扣殺》的黃智亨，他本身是香港電影視覺效技師，揀選這題材相當合適。故事講春夏從小就能見到怪物，但一直冇人信。一次在工作的超市又見到怪物，碰巧「怪物獵人」余文樂現身，令春夏終肯定自己，世上真係有怪物存在。
怪物獵人要喺地下畫個陣封鎖怪物，有啲似《鋼之煉金術師》。（影片截圖）
好耐冇見春夏，仲係幾靚。（影片截圖）
係咪想知幾時喺香港上畫？其實係唔會上，因為《怪物先生》將會是「第一部於三大視頻平台同步上線的付費收看影片」，而且收費好便宜，24蚊人民幣就有得睇，會員仲有半價。呢個價錢，真係睇特技都抵晒。