《#PTGF出租女友》沙律預告出寫真 直言保錡停工︰多咗時間陪我

撰文:沈洛嘉
出版:更新:

由蕭定一旗下「hmvod」開拍的話題港產片《#PTGF出租女友》改篇自真人真事網絡小說,今早(18日)進行開鏡儀式,有份演出的沙律張沛樂接受《香港01》。
攝影:葉志明

沙律笑言自己性格較為強硬似女漢子,所以搵自己扮演Madam。(葉志明 攝)

沙律先講到自己的角色:「我今次係需要放蛇嘅,係位Madam,不過就唔使着制服。(其他人會cosplay,你又會唔會啊?)我就冇得cosplay喇,雖然我都好鍾意嘅,因為未試過吖嘛,都係可能性感型個種,唔好對我有太多幻想先,今次係做Madam,正常查案嘅,都會有少少動作戲同埋親熱場口之餘亦有喜感,都搞笑架!(搞笑會唔會向保錡取經?)唔使啦!其實我自己都好搞笑架!」

沙律自言跟恆仔(趙善恆)對戲較多,親熱戲都係跟他一起拍,未有怕小花同保錡會呷醋,因為跟小花相識。(葉志明 攝)

早前Error成員保錡宣布完成手頭上工作就會自雪,現時Error的公開活動亦未有見到他的身影,問及會否因此多了時間陪自己?沙律:「佢都係陪我喇,佢自己其實都忙嘅,都有工作,過多一排就休息囉,但其實佢休息都有自己嘅嘢去做,所以大家唔使擔心,亦都唔使對佢嘅近況、私生活有太過多幻想,都係同正常人一樣咁生活。」

沙律叫大家唔使咁擔心保錡。(沙律IG)

另外,沙律自言入行不經不覺都有8年,加上今年又29+1(歲),所以都有定目標俾自己,她:「目標係今年出本寫真,好多朋友都叫我去出本寫真,我都有拒絕,之前覺得冇原因同意義去做呢件事,上年其實開始有諗,今年就29+1,都想透過今次呢本寫真嘅照片同埋文字等大家都了解我多啲,知道沙律唔係淨係得性感。」

沙律寄語新一年香港人可以振作起來,唔好咁負面,或者去抨擊及做無聊事,大家應該要正示返去做有意義的事。(葉志明 攝)
+10
你可能感興趣