大埔墟熟食中心實試$100食勻4間人氣店 必試豬扒麵、超厚西多士

撰文:
最後更新日期:

向來美食多的大埔熟食中心今年2月進行裝修,至7月底再次重開,惟重開時遇上新冠肺炎疫情爆發加上政府推出防疫措施及限聚令,影響生意。《香港01》飲食記者10月30日到訪大埔熟食中心,實試熟食中心4間人氣食店,包括大埔名物豬扒麵、西多士、客家糍粑,以及老字號茶檔,食勻晒都不用100元!

記者於早上11時到達大埔街市及熟食中心,熟食中心位於街市2樓,當時現場不少食店已經坐滿食客,非常誇張。記者逐一前往4間人氣食店,分別是36年老字號林記點心、東記上海麵、主打客家糍粑的滑嘟嘟,以及出名西多士的50年老店李記,食勻4間鋪招牌菜都不用100元,非常抵食!按下圖即睇熟食中心環境及前往路線👇👇

36年老字號林記點心梁老闆向記者透露,疫情期間生意額少了百分之五十,堂食座位四人枱被封了兩個座位。梁老闆坦言,疫情到現在食店生意額大受影響,「叫做生存到、不用蝕住做」。老闆更指出,由7月份重開後至今都沒有加價,加價是按每年的通脹比例計算,當年豬瘟60蚊一斤豬肉,「條數為唔到皮(先會加價)」。

【1】36年老字號點心茶檔主打即包點心@林記點心

開業36年的林記主要做早午市生意,不少食客去飲早茶、與朋友吹水,歎一盅兩件,其中招牌菜是紙包排骨飯、干蒸牛肉、蝦餃燒賣等,幾乎一人一籠點心。紙包排骨飯更是僅此這裏有得食,老闆更透露好食秘訣!最平一籠點心只售$10?按下圖即睇仲有邊款抵食🤩👇👇

+5
+5
+5

林記點心

地點:大埔鄉事會街8號大埔墟街市及熟食中心2樓CFS08-09舖

電話:從缺

【2】招牌皮薄爆餡客家糍粑@滑嘟嘟

滑嘟嘟原本是廣福道人氣糯米糍小店,但在2019年因租金高昂而結業,後來在熟食中心重開,深受街坊歡迎。招牌即包客家糍粑(即糯米糍)只有芝麻花生餡,外皮薄、芝麻花生餡超足料,一口咬下去即爆餡,仲有一款自家磨傳統中式甜品。有網民話下午1時半糯米糍已經沽清,按下圖即睇糯米糍有幾爆餡🤩👇👇

+2
+2
+2

滑嘟嘟

地點:大埔鄉事會街8號大埔墟街市及熟食中心2樓CFS29號舖

電話:9172 9433

【3】「大埔名物」招牌炸雞翼豬扒麵@東記上海麵

「大埔名物」東記上海麵人頭湧湧,記者大約在1時到達東記,大約等5分鐘先有位坐,落單後仲要再等20分鐘先上菜,需要好有耐性。不少熟客都大讚豬扒夠厚身、外皮香脆,記者實試雙拼雞翼豬扒上海麵,豬扒不出所料非常大件,外皮香脆但炸粉不多,雞翼的肉質鮮嫩、有肉汁。按下圖即睇價錢、記者誠實食評🤩👇👇

+2
+2
+2

東記上海麵

地點:大埔鄉事會街8號大埔墟街市及熟食中心2樓CSF27舖

電話:從缺

【4】招牌1吋厚西多士@李記咖啡奶茶

最後一間是出名西多士的李記咖啡奶茶,負責人李小姐透露生意一般,因為政府將座位封了一半,直言「有生意但無位畀人坐」,不過她坦言「啲人等得耐就會走」。她指店鋪裝修前後都沒有加價,西多士一直都賣$18,比起其他舖頭平少少。

逾50年歷史的李記咖啡奶茶主打西多士、烘底菠蘿蛋牛,連上水街坊都前來捧場。記者實試招牌西多士,西多士有成吋厚,入口軟身,加上牛油,可以自選糖漿或者煉奶,最特別的是裏面無花生醬。按下圖即睇價錢及記者誠實食評🤩👇👇

+2
+2
+2

李記咖啡奶茶

地點:大埔鄉事會街8號大埔墟街市及熟食中心2樓CFS33舖

電話:從缺

想知更多有助放鬆心情嘅香港好去處,例如離島、沙灘、單車、郊遊路線,click 入專頁睇更多推介!👉👉👉香港好去處|假日郊遊、離島放空、單車路線、食玩打卡|不斷更新

😍😍😍 同場加映:香港炸豬扒4大天王!必試大角咀「那個」 西環老店金祥性價比高😍😍😍

講起炸豬扒,大角咀一間台式炸排骨最近好有人氣,成為該區人龍小店。記者更親身實試大過塊面的炸排骨,又平價又抵食。講到性價比最高的有西環老字號排骨麵,50元就食到香脆炸豬扒上海麵!按下圖即睇炸豬扒4大天王有邊間😋👇👇

性價比高西環老字號排骨麵@金祥排骨麵

西環老字號粉麵店,金祥排骨麵招牌菜膽雲吞排骨麵,酥炸排骨同麵分開上,自家醃製的炸排骨並非以大件取勝,不過炸皮香脆、不會太厚,仲有三大粒菜肉雲吞,一定食得飽。仲有兩款人氣小食一定要點!按下圖即睇😍👇👇

想知仲有邊間好味炸豬扒上榜,立即點擊內文👉👉香港炸豬扒4大天王!必試大角咀「那個」 西環老店金祥性價比高



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。