12蚊店|抹銀布效果震驚全網 嚇親用家一抹即甩漬銀器變黑有救星

撰文:溫藹紅
出版:更新:

12蚊店好物!12蚊店推介!銀器變黑不一定要用洗銀水,12蚊店抹銀布同樣可具有驚人效果。最近有網民分享,購入12蚊店一款抹銀布,形容「一抹就甩」,成功將銀器上多年的污漬清除,大讚好有驚喜並極力推薦,非常實用!

(圖片授權:FB@Frances Y C Hung)

12蚊店抹銀布 一抹即甩漬

銀器、銀飾長期使用後,或會因氧化而變黑,有時單憑清潔劑亦未必可以清理到。最近有網民就於Facebook群組發帖分享,於AEON 12蚊店以$10(買10送2其中一件)一款超強勁的銀器清潔布「激落君抹銀布」,形容「將銀器上污漕左N年(很多年)搞佢唔掂的污漬,一抹乾淨bling bling閃令令呀」。

👉👉👉好食玩飛Instagram官方帳號開咗喇!請Follow我哋:https://bit.ly/38tlS4l

她表示「當時好苦惱,唔知要唔要啲銀器好」,無意中發現該款抹銀布,售價便宜因而抱著嘗試心態使用,豈料效果令人驚喜。「我用牙膏擦無效,我便拎番去店(銀器店),請老闆幫我清潔,佢用洗銀水又浸又用機震佢然後又抹佢,都只是淺色左DD,我當時好心灰,所以覺得呢塊抹銀布太神奇。」

從相片中可見,事主的手鏈及戒指均嚴重氧化至黑,但使用「激落君抹銀布」仔細擦拭後,兩件銀器均回復原有的銀色,並具有光澤感。事主指,過程中抹銀器的手指頭亦沾滿黑色污漬,「用一塊已經好乾淨,但怕有鬼祟位漏左,所以再買一塊再仔細抹」。

有用過的網民留言指,「依塊正嘢嚟,我啲P牌(Pandora)charm氧化到黑曬,用佢個清潔套裝都洗唔返靚,用Daiso依塊(抹銀布)竟然救得返」、「我以前賣銀器,都要幫啲客清潔,日日咁用有時都成個月先換一塊」。目前未能買到亦無需灰心,有網民指「12蚊店有隻藍色包裝,一包3塊都係12蚊,都可以做到一樣效果」,大家不妨留意!

+1