【打擊違泊】祥華邨違泊5小時罰千元 街坊:過咗半個鐘係我抵死

撰文:黃桂桂 林振華
出版:更新:

為打擊車輛違泊情況,全港屋苑各出奇謀,沙田第一城以「極速鎖車」驅趕違泊車輛,粉嶺祥華邨則選擇加重罰則,車主若把車輛違泊在屋邨公眾範圍5小時,連鎖車費需繳交罰款1056元。有車主認為加幅離譜,亦有車主認為有首半小時免費可接受,「違泊係唔啱」。
攝影:林振華

五小時收費$1056

祥華邨業主立案法團近日於祥華邨內掛起大幅橫額,指為打擊邨內違泊,將於今年5月1日起,向違例停泊而被扣鎖的車輛收取港幣320元開鎖費及每小時之行政費。私家車的新行政收費為首半小時免費,其後半小時32元,第二個小時64元,第三個小時128元,其後每小時收費256元。即若有私家車違泊於祥華邨內公眾地方,到第五小時,連鎖車費需付1056元。

下車3分鐘即收警告信

記者於4月11日到祥華邨視察,並把車輛停泊在祥華商場落貨區,方下車不足3分鐘,已有管理處職員把一封警告信放在車頭,警告信指車輛違泊,「請馬上將車輛駛離,否則,本處將採取進一步行動」,信內亦記下時間,該職員說若半小時後仍未駛離,則會罰款及鎖車,並建議我們把車停泊在邨內的停車場。祥華邨共有兩個停車場,由昇捷管理服務有限公司管理,私家車平日收費為每小時21元。

車主:太貴喇!

臨近放學時間,記者發現邨內兩所學校附近路段停泊了數架私家車,其中一個等候學生放學的車主姚女士認為新罰則收費過高,「太貴喇!停喺度接學生放學,萬一學生遲少少放,就會過咗半個鐘,咁就收我三十幾蚊,真係太貴!如果真係咁,我唯有喺(祥華邨)出面等。」

姚女士:「太貴喇!停喺度接學生放學,萬一學生遲少少放,就會過咗半個鐘,咁就收我三十幾蚊,真係太貴!如果真係咁,我唯有喺(祥華邨)出面等。」

「只要唔過半個鐘就得」

但亦有司機認為新罰則可以接受,車主之一的李先生表示,「仲有半個鐘走盞,只要我唔過半個鐘就得,佢之後想收幾百(元)都冇問題,過咗半個鐘係我抵死啦!」另一位剛好需要到祥華邨商場買東西的陳先生稱,「(違泊車輛)事實上係唔啱,如果我要泊多過半個鐘都會泊停車場。」

區議員:半小時走盞相當人性化

民主黨祥華區議員陳旭明解釋,新罰則主要針對把車輛違泊於邨內公眾地方的人士,「有啲人駛入邨後唔係快速放人離開,又唔泊入停車場,淨係停喺邨內公眾地方,尤其是迴旋處位置,咁對一啲將車泊喺停車場嘅車主好唔公平。而且新罰則有半小時走盞,已經相當人性化。」

天平邨亦有類似罰則

除祥華邨外,全港不少屋邨亦實施類似罰則,例如天平邨同樣設首30分鐘免費泊車及320元鎖車費,私家車第一小時40元,第二小時80元,其後每小時160元。祥華邨及天平邨分別於1998年及2000年在「租者置其屋計劃」把單位出售給所屬租戶,並成立業主立案法團。

除祥華邨外,全港不少屋邨亦實施類似罰則,例如天平邨同樣設首30分鐘免費泊車及320元鎖車費,私家車第一小時40元,第二小時80元,其後每小時160元。
你可能感興趣