說到香港城市大學，大家一定會想起城大「抵食」食堂。AC2 Canteen（Maxim's ）的名物，物美價廉的超巨型魚柳包，AC1 Canteen（城大食坊）的酸辣粉，燒味飯等。近日網上流傳一張告示指香港城市大學兩間食堂（城大食坊、Maxim's）於六月二十四日結業。這兩間食堂皆由美心集團經營，並於2019年六月底完約。消息發放後，一眾「City人」大喊不捨，恐新食堂的食物質素大不如前。

現場食客對於城大食堂的看法

就讀中學的張同學表示：「平時喺附近（又一城）行開都會過嚟食吓（AC1 canteen），呢度地方大，開會，有事討論都會嚟依度。加埋本身住得近，覺得依度平、性價比又高，好適合我哋依啲學生。」

就讀中學的盧同學說：「我都唔喺好擔心啲食物質數變差嘅，基本不太難食，大份夠我飽就得。」惟和他指出，網傳新承辦商是泛亞後，他則改變態度，變得有點擔心：「活力午餐間公司？小學食過，好一般。不過我都會嚟試咗先，因為都要試過先知好唔好嘅。」

在吃豬皮米粉的李先生（校友）表示：「我唔知道要轉手。不過依家（AC1 canteen）幾好，又乾淨，又企理，又多選擇。我最鍾意食依度嘅兩餸飯又平又清淡，我一星期都會嚟食兩次。」

大四的林小姐不捨地說：「我都喺聽我啲同學仔講起，唔喺我都唔知會轉手。依家我就喺知道依度（AC2 canteen）遲啲會冇咗，今日先過嚟食，關之前都會過嚟食多次！」

網上也有一堆「CITY」人表示不捨 更擔心食堂日後的質素

香港城市大學發言人回應指，有既定招標程序甄選食堂承辦商，甄選承辦商等相關事宜皆由包括教職員及學生代表在內的委員會共同決定。兩個食堂合約期即將屆滿，城大亦已根據程序甄選了新的承辦商。新的承辦商將由8月起，根據合約和指引為本校師生提供服務，當中涵蓋膳食服務質素及價格等事宜。校方會持續監察。