【新冠肺炎】疫情下Freelance配對數目大增 拍片、剪片最搶手?

撰文:呂諾君
出版:更新:

本港新型冠狀病毒肺炎疫情逐漸緩和,但數月以來,各行各業都受到重創,失業率亦創下近十年來的高位,經濟不景之下,不少「打工仔」都被裁,部分人選擇投身自由工作行列賺取收入。有Freelance配對平台透露,近數月網上行業興起,自由工作的需求及供應都有增加。近年「斜桿青年」的概念興起,擁有多重職業和身份的多元工作方式,在疫情之下會否是條出路?

為了轉型到網上營銷,很多公司需要拍片、剪片、設計等的人才。(呂諾君攝)

據freelance工作社交網絡公司「Freehunter」的創辦人鄭康桁(Harris)指,自疫情爆發以來,近數月不論是freelance用戶,還是企業客戶的數目,都有大幅增長,其中freelance用戶由10月的1萬多人,到現時已有2萬多人,企業客戶的數目亦增加了三成。「疫情之下,大家唔炒人都cut cost(削減成本)啦,咁嘅情況下,請同做freelancers係個冇咁束縛嘅方法。」

疫情期間多企業轉網上營銷

「搵中介公司介紹人才要抽佣,大公司cash flow(現金流量)都可能緊絀,唔想畀大筆費用 ,所以都有搵我哋。 」Harris表示,過去企業客戶以中小企或初創企業為主,但近月一些本地的大企業都開始透過網上平台尋找自由工作者,甚至台灣新北市政府也在Freehunter上徵求拍片的人才。當中以一些關乎網上工作的行業,在疫情期間甚為「搶手」,「多咗好多人做網上生意,有啲本來做紡織業、生產業一啲比較實業嘅公司,可能本身只係派傳單嘅,呢排發現唔掂啦,於是開始想轉喺網上賣嘢。」為了轉到網上營銷,很多公司需要拍片、剪片、設計等的人才,「網上新行業慢慢興起,唔只係supply(供應),亦有好大demand(需求)」,Harris說。

肺炎疫情令本港百業蕭條,但Harris指出,疫情也可以一個契機。(呂諾君攝)
「以前大家會問得唔得㗎,但𠵱家係逼住去試。」
「Freehunter」創辦人鄭康桁

越多才多藝 工作越彈性

肺炎疫情令本港百業蕭條,但Harris指出,疫情也可以一個契機,近數月他觀察到市場對自由工作的模式態度變得開放,「以前大家會問得唔得㗎,但𠵱家係逼住去試,我哋網站流量亦係慢慢增長。」他又指,婚攝、魔術等行業的自由業者工作確實減少,惟慶幸的是大部分人都有「多重身份」,「例如有人本身係魔術師,本來有七成工作都係關於魔術,但佢嘅個人檔案上另外有拍片、剪片技能,𠵱家就多數接呢啲工作。因為有兩個範疇,工作可以比較有彈性。」

坊間常有誤解,認為freelance就等於不專業,但Harris認為,freelance只是一個新的工作模式。(呂諾君攝)

成立於2018年,Harris之所以經營Freehunter,除了因為見到近年香港自由業者愈來愈多,也因為他的自身經歷。熱愛攝影的他透露,過往曾接下拍攝宣傳片的工作,打燈、收音、拍攝「一腳踢」只收取2,000多元,但在言談之間知道客人原來付了2萬多元,「因為大嘅中介公司搵細公司,再搵freelancer,好彩嘅話中間隔兩浸,唔好彩就更多浸,明白公司提供咗服務係應該收錢,但中間食足8、9成,唔單止係我收入少,客人方面,都攞唔到佢畀高價而想要嘅服務質素。」他認為,這樣的市場很不健康。

盼助自由業者建立人際網絡

除此之外,Harris成立平台是希望幫助自由業者建立人際網絡,「坊間有『早餐會』,大家畀300幾蚊入場費去同人握手交換卡片,其實都唔係必要,網上可以做呢樣嘢。」Harris認為,很多時候都不需要面對面的引薦,因此希望提供相對廉價和容易使用的方法,讓自由業者方便尋找工作機會。

「斜桿青年」是一個新工作模式

他又指,坊間常有誤解,認為freelance就等於不專業,但他指出,以攝影界為例,一些「最勁」、「最貴」的攝影師都是自由業者;認為「斜桿青年」只是一個新的工作模式,「上一代可能會話我哋係死廢青、唔做嘢,但其實好多年輕人都唔係懶,只係鍾意多啲彈性。」Harris指,有些人的生活規律不適合當上班族,但如能押後工作時間,甚至「瞓晏覺」,工作效率就能大大提升,「如果係呢類人,我插畫好勁攝影又好勁,咁點解我唔出嚟做Slash(斜桿族)呢?」

近數月網上行業興起,Harris指,自由業者的需求和供應都有增加。(呂諾君攝)

非人人適合當freelancer

提到做freelancer的好處,Harris認為,除了時間、地點、性質有彈性,對自身而言也可嘗試到不同風格,技能也較為全面,但他提醒,並非人人都適合,「一定要一路裝備自己、主動去識多啲人,疫市之下需求係大,但新嘅僱主太多,佢哋冇請過Freelancers,如果冇熱誠就唔啱做。」他表示,可多加利用網上渠道裝備和包裝自己,若有足夠決心,相信在疫市之下,求職者仍能找到出路。