【香港華爾街】5集數盡香港財金黑幕 鎮宇：題材大膽希望冇剪走
FOX由年中宣布會開劇殺入電視界，大家已經密切期待，因為所拍的兩部劇《香港華爾街》及《心冤》，製作及卡士都達電影級數，其中《香》更呼召到吳鎮宇、張孝全、廖啟智等人，拉大隊到馬來西亞取景，拍出一個踢爆香港金融界黑幕的故事。
日前FOX公布製作已完成，並準備好出年第一季上架！席間《香港01》搵到主角吳鎮宇講講拍攝感受，看來鎮宇非常滿意今次的製成品，而且劇集內容敏感，揚言可以幫觀眾消消氣！
《香港華爾街》是一部揭露香港金融市場黑幕的劇集，當中會橫跨回歸前後達30年的歷史事件，想必會涉獵到亞洲金融風暴、金融海嘯、高官貪污案等。而在半年前《香港01》到馬來西亞的探班可見（詳見：http://bit.ly/2uu5Y3X），吳鎮宇和廖啟智的角色造型，都似在影射前高官，單是那份似曾相識，引發共鳴的感覺，已經好令人期待。
《香港華爾街》美式港劇示範 5集即決 導演︰花足1年濃縮劇本
「套劇幫我哋去發洩！」
據聞《香港華爾街》是FOX「揼本」之作，投資的資金也遠高於一般港劇，雖然得5集，但每集成本均達100萬美金（約780港元）。有此高成本，製作上定必可更加細緻，就連拍超過40套電視劇的吳鎮宇都感覺到。吳鎮宇在記者會上接受《香港01》訪問時說：「同以往港劇好大分別，意義上會唔同。佢哋個火唔係淨係拍一舊嘢出嚟，佢哋在想有啲嘢講。攝影上精緻咗，想表達嘅message（信息）又會大膽啲，大家睇完就知。希望到時唔會剪咗佢。」最後鎮宇更以飲可樂來形容看畢這套劇的感覺︰「好似飲完支可樂咁『嗝』一聲，幫我哋去發洩。」臨走的時候，吳鎮宇更提示一個劇集的內容：「我哋（套劇）有掟到催淚彈。」
日前（11月1日）更公布推出全新的收費app「FOX+」，兩套原創迷你劇《香港華爾街》及《心冤》都將於2018年在FOX+平台上映。其收費模式比起MyTV Super，ViuTV或NOW TV，更傾向於現時Netflix的做法，每月為$188，可獲5個月戶10個裝置使用，但最多只可二人同步使用。如果用去戲院睇一套電影$70去計返成本的話，一個月睇3套就回到本。