【二月廿九.專訪】吳海昕劉俊謙極速答應參演 40日拍完呻辛苦

撰文:游大東
出版:更新:

由羅嘉駿執導的ViuTV新劇《二月廿九》,轉眼已播出一半,本周五(13/3)將會播出大結局,由於故事兼備年輕觀眾最喜愛的穿越和愛情元素,加上攝製隊去年12月飛往日本北海道取景,白雪皚皚,飄飄然地飄,浪漫到飛起,再配合大量貼地情節和對白,難怪網上討論度爆燈,就連視后田蕊妮看完第五集後,也忍不住在個人Instagram發帖狂讚好睇,煲劇氣氛完全不輸無綫翡翠台於同時段播出的內地劇《慶餘年》。
劇集好評如潮,絕對是台前幕後非常努力而換來的成果。兩位在劇中擔正的新世代演員吳海昕(Sofiee)和劉俊謙,日前出席由游大東主持的節目《講畀大東廳》時透露,因為《二月廿九》預算有限,需要在40天內極速煞科,過程辛酸,不足為外人道,劉俊謙指最難忘的,是有其中一個場景要日以繼夜、夜以繼日的趕拍,而且經常超時,期間沒有休息時間,身心疲倦得腦袋一片空白,我問劉俊謙是否終於都有「拍TVB劇的體驗」,意思是拍攝過程需要連踩廿多小時,甚至更多,他笑言:「係有少少,我囂張少少啦,即係我哋唔係TVB的要求,唔係啱晒啲對白就算嘅,所以就會更加辛苦!」捱更抵夜當然慘慘豬,但怎也及不上Sofiee那麼「黑仔」,她為了演好角色,竟然在北海道遇上意外,「左腳有三條韌帶裂咗,爭啲就要做手術!」
撰文、主持:游大東
短片:李偉軒、詹郭敏
剪接:李偉軒
攝影:梁碧玲
場地:The Stadium Bar & Restaurant
劉俊謙服裝提供:Loro Piana
劉俊謙髮型設計:Lupus Chui @ Orient4.com.hk
劉俊謙化妝:Carmen Chung @ carmencmakeup_hair
吳海昕服裝提供:Marimekko
吳海昕化妝:Onki Lau
吳海昕髮型設計:Zap Tang @ Essensuals.hk

由游大東主持的節目《講畀大東廳》,每次都會訪問演藝界不同嘉賓,第一集亮相的是ViuTV新劇《二月廿九》的兩位主角:吳海昕和劉俊謙,他倆會詳談拍劇期間的辛酸經歷。(梁碧玲攝)

訪問後才知道,開拍《二月廿九》是一場集體冒險遊戲,預算低、時間趕,台前幕後拼命追趕日程的時候,根本不知道網民對這套劇的反應會如此熱烈,正如吳海昕與劉俊謙承諾參演的一刻,也無法預料到,拍這套劇會經歷「瞓身級」皮肉之苦,我好奇,促使他們願意接拍的原因到底是甚麼?

吳海昕和劉俊謙在《二月廿九》裏分別飾演能夠穿越時空的張麗紗(Yeesa),以及「神聖幾何學會」會長余家聰,他們在2018年2月28日是「拍檔關係」 ── 余家聰與學會成員一同研究為何Yeesa能夠穿越,但去到2020年2月29日,他們已成為情侶,到底這兩年之間發生甚麼事情,令他倆感情大躍進,繼而令Yeesa拒絕與自己表白的「暖男」Ryan(徐天佑飾)?這段三角關係,將會成為《二月廿九》最後五集其中一個重點情節。(梁碧玲攝)
劉俊謙指之所以願意接拍《二月廿九》,純粹基於一種直覺,「一來知道係《教束》導演Yellow負責編寫劇本,二來我同阿Steve(導演)喺WhatsApp傾咗一陣之後,雖然我哋真係唔識對方,但直覺話我知,我同佢係會夾到嘅,就係因為咁,我就岌咗頭,但岌完頭之後,都未係好知個故事其實係點。」吳海昕說,《二月廿九》裏Yeesa這個雙魚座女生,充滿藝術細胞,但性格古怪,情緒跳躍,令人摸不着頭腦,「我去演Yeesa,都真係幾大膽,但作為一個演員,能夠演到一個咁多元化嘅角色,係好吸引嘅一件事!」(梁碧玲攝)
劉俊謙坦言,《二月廿九》裏「神聖幾何學會」會長余家聰這個角色絕不易演,「困難嘅地方就係,如果你用成個Whole picture去睇,就係十集劇本,相對上,Yeesa角色嘅成條線係好完整,我同天佑飾演嘅角色,都係一個完整嘅角色,但相對上係Serve吳海昕多啲,咁我就會諗,因為呢套劇係橫跨幾年,劇本未必可以好清楚交代,我同天佑對吳海昕(情感上)嘅轉變,仲要拍嘅時候拍得好快好急,所以我有時都諗唔清楚,我到底要點樣去設定個角色性格,如果唔係就會變咗第一至第九集對吳海昕嘅態度一樣,但去到第十集突然間對佢好好。」(梁碧玲攝)
雖然拍攝《二月廿九》過程相當辛苦,但吳海昕仍然極之感激導演Steve讓她得到這次機會,因為她想自己的演技有進步,「佢畀好大自由度演員,雖然佢好專制,例如佢知道自己係男人,佢冇法百分百去了解女人的思維,咁我會同佢講,我會點樣睇呢個角色,例如我鍾意一個男仔的時候,我會偷偷地畫低佢個樣,點知佢第二日呢,就走咗去搵個素描畫家,畫咗劉俊謙同埋天佑個樣,就擺咗喺我嗰間房個場景入面,我覺得好窩心,因為見微知著,咁少嘢,佢都唔會錯過去建立呢個角色性格,所以可以遇到一個咁開明,但又會折磨你、去提升你嘅導演,係好難得。」(梁碧玲攝)

Yeesa性格喜怒無常 吳海昕:對演員嚟講係好吸引!

「是班底!」他倆不約而同的說。簡單而言,是按照經驗而衍生出來的演員直覺作出判斷。Sofiee說回想過去,原來早在2017年參演《瑪嘉烈與大衛系列  前度特別篇》的時候,已為自己參演《二月廿九》埋下伏線,當時負責執導的,正是洋名史提夫的羅嘉駿,「第一次同阿Steve拍完劇之後,已經覺得佢係一個非常好嘅導演,同佢好有默契,你睇到佢嘅作品就知道一定係有質素,所以最初佢搵我拍《二月廿九》,我連劇本都未睇就已經話:『好啦,我做啦!』」

當然故事概念很吸引也是事實,Sofiee透露,女主角張麗紗(Yeesa)生於2月29日,而且能夠穿越到未來,靈感源自導演的情史。「佢話佢同過一個2月29日出世嘅女仔拍拖,係一個好麻煩嘅女仔,性格好跳躍,喜怒無常,但同時又好Artistic,所以大家睇頭幾集都會覺得點解Yeesa會有咁多種情緒嘅?又開心又唔開心,對住阿爸(張松枝飾辰叔)又會咁嬲,好似場場戲(情緒)都唔穩定咁樣,但其實呢個世界真係有啲咁嘅人,有啲雙魚座女仔就係咁樣㗎,令人好摸不着頭腦。對一個演員嚟講,可以演到一個咁多元化嘅角色係好吸引。」

《二月廿九》的製作預算不高,所以需要在極短時間內完成所有拍攝工作,名副其實趕到氣咳,而在北海道拍外景期間,吳海昕與劉俊謙都要應付很多跑動戲份,前者更因為這樣而弄傷左腳,「有三條韌帶裂咗,爭啲就要做手術!」(《二月廿九》劇照,李詩卉攝)

游大東其他文章:

【二月廿九】劉俊謙率領神秘學會研究穿越    副導上鏡飾演次元專家

《二月廿九》兩分鐘片花出爐   吳海昕穿越至未來北海道預知死期?

【矚目配角】入行70年由反派變幕前瑰寶   羅蘭:從來冇諗過做主角

無綫為節省成本再向配音組落刀   明珠台自製粵語麗音廣播將成歷史

憑直覺決定參演 劉俊謙:岌咗頭之後都未知故事會係點!

在劇中飾演「神聖幾何學會」會長余家聰的劉俊謙則指,自己決定參演的想法跟Sofiee相若:2018年他參演ViuTV劇集《教束》,遇上導演黃智揚(Yellow),一年多後,同一班底開始籌備《二月廿九》這套新劇,Yellow卸下導演一職,改做編審(劇本審閱),負責帶領團隊創作劇本,「因為我知道編劇係Yellow,上次同佢喺《教束》合作係好開心好夾,當我知道《二月廿九》會係佢寫劇本之後,站喺情義上,我隱約覺得我哋已經係一個班底,再加上攝影師Dino(黃殷俊)又係《教束》嘅攝影師,對我嚟講呢個都係一個考慮因素,因為同攝影師夾得好,拍出嚟係會好好多。」

反而導演換上羅嘉駿,劉俊謙坦言並不認識這個人,後來知道他曾執導《瑪嘉烈與大衛系列  前度特別篇》(劉曾演出《瑪嘉烈與大衛系列  前度》),亦知道他是陳志發、黃智揚份屬師兄弟,覺得發生「意外」的機會率大減,再於WhatsApp跟對方聊了一會後,就覺得頗為投契,「我都幾着重呢啲位,Feel Feel下你就會覺得,咦,大家其實可能都會夾到㗎喎,會聽意見呀,對於一啲有Taste嘅事有感覺,呢啲嘢慢慢喺傾偈嗰陣會聞到陣除,所以雖然我未同佢合作過,但直覺覺我哋係夾到嘅,大致上就係呢啲原因,我就岌咗頭喇,岌完頭之後都未係好知個故事係點。」

Sofiee直言,羅嘉駿(圖中)是位「惡魔導演」:「阿Steve係非常之專制同霸道,就算我喺佢面前都係咁講,因為拍出嚟唔係最好嘅嘢,佢唔會接受,所以同佢拍嘢係好辛苦,因為佢係有強迫症!」劉俊謙則指最難忘的,是有其中一個場景要日以繼夜、夜以繼日的趕拍,而且經常超時,期間沒有休息時間,身心疲倦得腦袋一片空白,「呢個製作時間就有少少似喺TVB拍劇咁樣,真係好深刻!」(羅嘉駿導演提供)
在參演《二月廿九》之前,吳海昕與劉俊謙只在ViuTV劇集《教束》裏合作過一次,雖然拍攝時間僅一天半,但今次一埋位便很快進入角色需要的狀態。劉謙說:「我覺得,可能我哋大家個底(性格)都係有認真一面,但同時間又好貪玩,我哋每次對望就會想笑,我會認為嗰啲笑呢,唔係衰嘢嚟嘅,係我同吳海昕兩個演員係有一種微妙嘅默契。」(梁碧玲攝)
+17

Sofiee指導演Steve專制霸道:同佢拍嘢係好辛苦!

憑直覺爽快答應,「後患無窮」!Sofiee與劉俊謙都說,《二月廿九》的拍攝過程辛苦程度遠超想像,在北海道拍外景要抵受極嚴寒天氣,在香港拍外景則要在極短的時間內拍完,名副其實「趕到氣咳」,但更慘是羅嘉駿是位「惡魔導演」,Sofiee笑言:「阿Steve係非常之專制同霸道,就算我喺佢面前都係咁講,因為拍出嚟唔係最好嘅嘢,佢唔會接受,所以同佢拍嘢係好辛苦,因為佢係有強迫症!」

就連向來性格和善的劉俊謙,對於羅導的作風都有幾句「怨言」,「有一次喺北海道拍外景,阿Steve冇啦啦叉住條腰,指住Sofiee話:『喂,吳海昕,你做好啲呀吓,一次機會㗎喳,咁我就心諗,點解呢個人咁惡㗎?」到底阿Steve這樣做是刻意擺款,抑或惡死能登必有原因?至於Sofiee與劉俊謙拍《二月廿九》期間還有甚麼難忘經歷?就要點擊收睇第一集的《講畀大東廳》。

《講畀大東廳》每次都會訪問演藝界不同嘉賓,下一集繼續有吳海昕和劉俊謙,講講今時今日面對本地影視業低潮期,如何努力求存,爭取更多演出機會。

《二月廿九》分別在香港和北海道取景,劇照師拍下大量精美劇照,可點擊下方圖輯細賞:

+26