【逆緣】殮房服務員現實版要做啲咩？　醫管局建議個人樂觀先好試

《逆緣》入面黎耀祥飾演的賀永年因為被公證行炒了魷魚，為了生計便鼓起勇氣去殮房做殮房助理，因為月薪高達有$28,000元，所以即使幾難頂都好，黎耀祥都決定頂硬上。在早兩集他看見別人解剖屍體時，便因為頂唔住而暈倒，所以這份工的確不是容易做的事。

這份工究竟真實情況是如何呢？其實政府在今年一月剛剛就為這份工公開招聘，這份位屬公預員的職位叫做「殮房服務員」。首先著眼點當然是人工喇，劇中講到有$28,000元咁高，但其實現實中這份「鐵飯碗」起薪只有19,395元，而頂薪也只能夠去到21,880元，相比劇中起薪已經$28,000實在相距甚遠喎。

不過劇中顯示出這份工唔係人人做得來，又的確真有其事。首先其實學歷是沒有要求的，入職條件裡顯示只要能操流利廣東話，能閱讀及書寫簡單中文，仲有能操簡單英語，閱讀及書寫簡單英文，對普遍香港人其實唔算太難。其次的條件是要提起及搬運包括屍體等重物，這個條件是需要通過測試，相信都是一般的體能測試，難度不會太大。而入職條件最難的一項，就是有能力在殮房工作，這個項目基本上就是測試你對屍體的忍耐力，就好像在劇中的王俊棠叫黎耀祥將屍體搬上冷藏庫，當下其他應徵者統統走掉，雖然只是拍劇，但這個情況絕對不出奇。

【逆緣．任噏亂評】劇情雖然偏老土 但三爺孫互動夠過癮

【逆緣】童星羅梓龍鍾意拍劇多過電影：長劇成個氣氛開心好多

其實這份工作有甚麼職責呢？主要是接收交往殮房的屍體、搬運及貯存殮房內的屍體、安排死者家屬辨認、申領及移離屍體、協助法醫解剖及準備前期和後期工作等。醫管局更指申請做殮房服務員需要個性樂觀及成熟，因為除了需處理屍體外，更需要協助病理科醫生解剖屍體，如果思想太過脆弱的話，苦了的可能便是自己。雖然不用任何醫學知識便可擔當這份工，但過程中也有幫助解剖的動作，所以真係要好有心理準備要可以做呢份工。