【再創世紀】新角色似葉榮添？ 周柏豪：羅嘉良係我偶像！
撰文：吳子生
出版：更新：
澳門今晚舉行《IFSM國際時尚超模大賽2018》，邀請到周柏豪、連詩雅、陳靜、錢國偉、松剛妮娜擔任評判。作為評判之一，柏豪又會點揀呢？「我係冇溝通之下，梗係第一樣嘢睇外表先啦，當進入問答才藝表演環節，到時就可以睇到佢哋有冇內涵，不過最後都係合眼緣啦。」
周柏豪今晚出席《IFSM國際時尚超模大賽2018》擔任評判。（黃國立攝）
無綫劇集《再創世紀》中，周柏豪性格脾氣暴躁，自以為是，充滿着19年前《創世紀》中葉榮添（羅嘉良飾）的影子。「其實羅嘉良係我偶像，細個時候睇過佢太多嘅作品，其實我拍呢套劇我冇參考過佢點演，因為我拍呢個角色係好暴躁，成日覺得自己係天才，覺得身邊啲人做嘢好慢，覺得自己好得，成日認叻，其實自己睇返，都覺得戲裡面嘅我，都幾乞人憎。」
香港受颱風襲港，柏豪被逼滯留上海，無法返回家中做防風措施，曾經一度忐忑不安。（黃國立攝）