黃心穎新年預肥幾磅 婚期不在豬年?

撰文:葉詩
出版:更新:

黃心穎今日(5日)出席無綫電視賀年節目《富貴金豬過肥年》拍攝,對於大年初一就開工,心穎表示:「我好鍾意年初一開工㗎!因為我覺得開爐係個好開始,會勤力努力啲,就一年都有嘢撈,係好兆頭嚟嘅。」問到工作結束後會到哪裡拜年,心穎就說:「首先要去阿姐(汪明荃)屋企拜年,每年初一個Show完咗阿姐都會請我哋去佢屋企拜年,我之前未去過,因為琴晚同咗屋企人食飯,所以完咗就去𢭃多啲利市先返屋企拜年。」會去馬明屋企拜年?心穎就回應:「都會去嘅,始終都係禮貌嚟。」

黃心穎新年準備了海味到男朋友馬國明家𢭃利市。(黃國立攝)

說到新年有很多美食誘惑,心穎就表示自己打算放開肚皮吃:「新年嘅時候我好鍾意食芋頭糕,我已經早一兩個禮拜做好多運動,為咗有Quota去食,亦都覺得其實肥咗冇關係啦,之後再減啫,新年一年一次梗係食咗先啦!」心穎又已經做好心理準備:「一定會食肥幾磅,預咗嘅。因為我年初四已經要開工,盡量忍口啦,不過應該都唔得㗎喇,算啦,仲著近冬天衫拍應該ok嘅。」實行美食當前,食咗先算!

黃心穎在自己洗車的過程中,見到愛車從黑重新變白,就好像新一年扔走了所有污糟嘢。(黃國立攝)

黃心穎又分享自己前幾天為屋企大掃除和洗車,發現了不少具回憶的物件:「原來我以前儲埋好多戲飛、巴士飛、單(購物收據),仲搵到啲好舊嘅相,即係要搵好耐先搵到自己嗰啲。即唔係話個樣變咗好多,我已經唔記得自己出席過呢啲活動,尤其是係嗰陣做港姐未卸任嘅時候,出席好多公司嘅慈善活動,睇返我哋2012年嗰屆港姐啲樣變咗好多,其實好開心,有啲又嫁咗人,有啲又生咗小朋友,就好似一個回憶錄。」自己都有結婚打算?心穎說:「好多人問嘅,應該唔會係豬年發生嘅事啦,再儲吓錢、做吓嘢先。」

+6