吳雨霏懷二胎四個月感輕鬆：有時唔記得自己有咗
撰文：葉詩
出版：更新：
吳雨霏（Kary）今日（24日）出席時尚品牌活動，說到自己懷上二胎的這件喜事，又透露現在已懷孕四個月。說到哥哥的反應，Kary說：「BB暫時好似未知發生咩事，因為佢兩個年紀比較近，但我有同佢講。」Kary又表示最大的膽心是：「弟弟/妹妹出世之後，哥哥會呷醋，所以盡量都畀多啲時間大嗰個。」
當說到BB的性別，Kary則說要保持神秘，讓大家猜一猜。（梁碧玲攝）
Kary又說到今次懷孕與第一次懷孕的時候感覺不一樣，甚是辛苦：「我第一胎嘅時候幾幸運，冇話作嘔、唔舒服咁，但今次頭兩個月，唔知係咪因為要湊住個大嘅，變咗由朝到晚都想作嘔、頭暈、食得唔係咁多嘢，但而家好返啲。」
Kary說老公的哥哥一家也有小生命降臨，而且兩者只相差一個月，實是雙囍臨門。（梁碧玲攝）
相反，Kary分享因為有了第一次經驗，現在變得比較得心應手：「今次係輕鬆好多，第一次嘅時候比較緊張，又冇乜出嚟見人，今次直情有時唔記得自己有咗。同埋出嚟見下大家、見下朋友都開心嘅。」Kary又預想到未來：「因為佢哋年齡差近啲，頭一兩年會比較辛苦，但可能過咗佢哋就可以自己玩。」