【鐵探】父女情夠催淚　姜皓文讚黃學盈：好多場戲都俾感動到！

姜皓文（黑哥）和黃學盈昨晚（26/4）出席在新蒲崗舉行的無綫重頭劇集《鐵探》飯局。有網民激讚在劇中飾演彤彤的黃學盈和黑哥的父女情夠催淚。黑哥大讚話：「彤彤好聰明，好多時啲內心感情戲一講佢就知道點做，我都試過好多場戲都俾佢感動到，一個咁細嘅小朋友可以咁懂事，咁有火對佢嘅演出係正嘅。」學盈笑言：「Daddy睇咗我喊嗰場戲之後，問我可唔可以個頭，唔好舉得咁高，話咁喊唔靚喎，不過都知佢講笑玩我啫。」

黑哥透露近日在討論區，見到網友留言指我會死：「仲話咁嘅情劇Bingo一定會領飯盒（死亡），叫我點都好一定要捱到最後一集，無論點樣俾madam迫害都好，如果Bing有咩不測，否則寄刀片俾編劇。」黑哥坦言相信網民唔會咁做，好開心套劇可以咁好反應。