【逃犯條例】程美段政治不表態稱工作至上 「私底下就有關注」
撰文：林迅景
出版：更新：
程美段（Kiwi）聽到問有關6月9日反《逃犯條例》遊行，似乎面有難色：「私底下就有關注、有睇，但係就唔多講。」（葉兆康攝）
日前（6月9日）程美段（Kiwi）出席了在馬鞍山舉行的手機遊戲的「食雞大作戰」活動，衣著更別出心裁，白色T恤上胸前還有兩個心形圖案。她更親自落場與現場20多位小朋友比拼一番。雖然最後Kiwi不幸落敗，但仍表示十分刺激好玩。她接受《香港01》訪問時說：「我以前成日都玩，同啲朋友晚晚都玩，晚晚都開，有時一鋪打20分鐘，一晚仲會玩足4，5鋪。」
程美段（Kiwi）每次出現，衣服都令人印象深刻。（葉兆康攝）
「追糧事件」發生後，似乎工作機會並未收到影響。她說：「近排都多，不過就希望Keep到囉。」收入有沒有減少？「咁梗係好咗啦，不過都係要睇接得多唔多工作。」她亦表示近來接洽了數個手機遊戲廣告。有關今日（6月9日）的反《逃犯條例》遊行，她說：「呢啲時事政治嘢？私底下就有關注、有睇，但係就唔多講。始終出嚟都唔會講，自己平台都唔會多講。（想去參加？）做嘢為先！」