【開心速遞】自細就勁百厭 歐陽震華：嚇到啲屋企人死吓死吓
撰文：林迅景
出版：更新：
《愛．回家之開心速遞》606、607集，歐陽震華（Bobby）將會粉墨登場客串兩集，與群姐（許思敏）組成一對新CP，真的給觀眾帶來十足驚喜。適逢今日（6月16日）也是父親節，歐陽震華與劇中一班演員一同出席劇集宣傳，大玩遊戲之餘也與現場觀眾打成一片。歐陽震華接受《香港01》訪問，提起已不在世的爸爸，也表示他留給自己十分多回憶。「爸爸自細都好鍚我，不過就更加鍚個妹。哈哈，好奇怪㗎，爸爸永遠係錫個囡多啲，細個買親嘢都係去國貸公司買，細妹就去『來佬』公司買。但係，我係大仔，婆婆就最錫我。」
遲啲又可以喺電視機入面見到Bobby。（梁碧玲攝）
談起兒時回憶，他就表示自己年幼時是超級曳：「你唔會想像到我咁曳！我嘅曳法係直頭有生命危險嗰種。」他說會經常與隔離鄰舍的同年齡的小朋友去玩，會去踢波、海邊釣魚和上大廈天台玩。「會去海邊釣泥鯭，以前係冇欄㗎，要成個人伸出去，又唔識游水，嚇到啲屋企人死吓死吓。不過大咗就更加百厭，哈哈哈。」
+1