【任達華遇襲】楊受成偕妻到醫院探受傷華哥：梗係好擔心！

任達華今日（20/7）在中山出席活動時遇襲受傷，隨即送往當地醫院接受手術，到今晚10點半左右便經安排下轉到港安醫院繼續治理。11點左右，英皇集團老闆楊受成和夫人陸小曼駕車到醫院探望旗下藝人，步行至大門時記者即上前採訪，而楊受成亦有回應：「聽到消息之後梗係擔心，但應該冇咩事。」之後便乘升降機上病房。另外，楊受成駕車進入醫院範圍時遇上阻礙，閘門未有正常打開，要醫院職員出來幫手才能成功入閘。