【她她她的少女時代】主題曲勁入腦! 十年歌手夢終於有機會上位

撰文:黃梓恒
出版:更新:

《她她她的少女時代》於今日正式首播,兩大主角田蕊妮和李思捷跟觀眾有一段時間沒有見面,而他們早已於《天天天晴》和《Only You 只有您》合作,相信一定再有新的火花帶給觀眾,絕對值得期待!

如果要斷定《她她她的少女時代》是否一套好劇,在第一集便下定論實在太快,不過有一件事可以肯定,就是《她她她的少女時代》的主題曲《少年時代》十分動聽,而且該名歌手更是入行十年後第一隻單飛主題曲。

《她她她的少女時代》劇照。劇中李國麟飾演田蕊妮父親。(資料圖片)

相信大家都會聽過他的名字,他叫周志康,跟已離巢的哥哥周志文是兄弟,在2009年一同參加《超級巨聲》而入行,至今已經第十個年頭。對於自己終於有第一首單飛歌,阿康在接受《香港01》訪問時表示相當期待,並說:「等咗十年,對Fans有個交代,有首歌唱吓。近年我乜都做,拍劇、唱樂節目主持、綜藝、飲食節目,我係絕對冇放棄唱歌,當係一個演藝事業去做,好多前輩都係三線發展。」

周志康於《超級巨聲》入行。(資料圖片)

在TVB十年,阿康接觸過不少範圍,期間不少人都問過他:「究竟你最想做啲咩、驚唔驚兩頭唔到岸?」他認為在娛樂圈要生存下去,宗旨就是什麼都要做!他對於機會是來者不拒,不希望由自己主張自己要行哪條路,應該是別人給什麼機會你。他說:「當年,我係冇諗住入行,貿貿然去參加歌唱比賽,當然都係我朋友推我出去,當時我成績好差,廿幾強就出局,神推鬼㧬吓入咗公司。之後得到唔少機會,慢慢喺呢個大染缸唔經唔覺都十年,十年其實都係標杆性嘅一年,但係睇到好多前輩唔係話十年就畀到張成績單你,我哋呢行有啲人就話鬥長命,你唔知幾時OK,但係呢十年我儲到好多人脈同好朋友,十年有首歌唱都幾好呀。」

周志康今年29歲。(IG@周志康)

雖然終於迎來自己的代表作,不過阿康並沒有因此而驕傲,更懂得的是感恩:他說:「掉返轉頭話,如果呢首歌喺我啱啱出道就有,或者我嘅經練未夠我去應付呢首歌,或者我會覺得好輕易,而家我有呢首歌係非常之感恩。當錄完呢首歌,我同監製一齊聽,我企喺佢後面我係唔敢出聲,我驚我會喊,好多歌手演員對自己要求都特別高,我自己聽完都覺得幾好呀,咁係有一種感動。」

周志康經常同翟威廉開happy live玩音樂。(IG@周志康)

由09年《超級巨聲》到2019年,他不是以「歌手」生存在娛樂圈,更多是「藝人」,不禁令人懷問,究竟是不是當初做歌手那團火已經熄滅了?並不,阿康形容自己是一團「慢火」,團火一直在,不過並不猛火,「加上我音樂造詣唔係好勁,唔可以成日創作,亦都冇簽唱片公司去支援自己。」他說。

 

每一個明星都想走紅,阿康當然也想,甚至曾經試過,他表示:「其實我覺得紅係好短暫,當年我哋參加《超級巨星》,節目一出街,嗰時我哋真係幾紅,係人都識,例如我哋成班出去玩都會俾人圍住影相,我都經歷過嗰種甘甜,都開心嘅。但係而家嘅我呢,我係幾鍾意生活上一般同屋企人食飯,久唔久有人認得你,嗰種親切感我更加鍾意。如果要好紅,哈哈,要畀啲時間我,如果真係成真,我都會搭地鐵。」

今次仲可以同兩位美女合作。(IG@周志康)
林宣妤就喺其中一位靚女。(IG@林宣妤)
+13