余德丞強調周秀娜只係「鄰居」 兩個緋聞女友揀邊個好?
撰文:賴家杰
出版:更新:
余德丞(Dickson)今天(5日)出席TVB舉辦的《9月星辰》活動,他指生日當天(9月2日)是留在家中與母親度過:「其實踏正凌晨零時零分我喺屋企睇緊英超,熱刺對阿仙奴,因為係我生命足球佔咗我好重要部分。」
近日傳出Dickson戀上女神周秀娜,二人更因成為鄰居後日夜見面而傳出緋聞。對於被指交往了一段時間,Dickson雖已否認,但仍被傳媒追訪:「我同佢(周秀娜)認識咗一段時間,但梗係唔係好似報道話拍拖三個月。做鄰居閒時都會撞到吓,咁你都成日撞到你鄰居,而鄰居嘅意思即係隔離左右,樓上樓下,搭同一部升降機可能會撞到,就好似六合彩咁。」
Dickson入行後傳過最長一段時間的緋聞對象是蔡思貝,現在再多一個周秀娜,兩位緋聞女友難免會被人比較,Dickson笑言無需作比較:「其實兩個都係傾得埋嘅好朋友,冇話比較邊個好啲。佢兩個性格都爽朗,因為『物以類聚』,大家都係嗰個性格就會走埋一齊玩。我覺得做得朋友真係夾先可以,唔係出嚟會面阻阻。」