【東張西望】阮嘉敏直撃鹹濕攝影師非禮 怒問:點解要摸人?

撰文:黃欣華
出版:更新:

TVB資訊節目《東張西望》主持阮嘉敏(Mandy)與攝製隊日前就追訪一單關於無良攝影師Max非禮近百名少女拍攝全裸照的事件,就連影家庭照和親子照都隨時成為目標,猖狂的行為引起全城震驚!

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

Mandy訪問了3名受害女性!(電視截圖)
Max行為令人髮指!(電視截圖)

節目中,一名受害女子直指攝影師Max是慣犯:「阿Max係慣犯,佢唔係第一次,喺好多年前已經有Model警告過佢,甚至係報警同出律師信畀佢。佢都承諾過唔會再犯,但發現都有非常多嘅受害者。」另一名受害女子Cathy就更加講道:「係影親子相嘅過程入面,佢都有唔小心掂到我嘅私人部位,例如上半身嘅胸部位置……佢都會問生完小朋友之後,你下體會唔會好鬆?喺性行為嘅時候會唔會無太大感覺,都會一啲好入肉嘅問題。」,相當露骨!而受害者Amy和Yan亦講道被Max搣臀部和摸胸部。

Max相當大擔,更完全唔覺得自己錯!(電視截圖)

點撃下圖睇證據!

+5

其實早在兩個月前,已經有網民在討論區「連登」上載多張與Max的聊天記錄,控訴被Max搣乳貼,行為令人髮指!而主持Mandy和攝製隊亦找到Max和他當面對質,Mandy問道:「點解你要摸人呢?」Max輕挑回答道:「唔知喎。」Mandy再問道:「點解唔知呢?你認你無恥?」Max講道:「我係一個無賴嚟,所以叫你報警。」Max的行為亦引起網民眾怒,更留言直指:「人渣!」而下集,有受害者更加提到自己明明去影親子照,但最後竟變成三點盡露。亦有受害者稱Max未經同意下,竟用手量度罩杯尺寸,行為極之下流。

Mandy嬲爆!(電視截圖)

Mandy接受《香港01》訪問時就表示相當同情受害者:「其實作為一個女性,聽到呢啲情況一定唔舒服。佢哋只係要一個道歉,而個攝影師都反口仲話自己係無賴,點解可以咁呢?」Mandy就稱自己從未遇到這種情況,但就提醒大家:「無時無刻都要小心啲,明白大家想留倩影,但一定要帶埋朋友或者屋企人喺身邊。」

點撃下圖睇質問過程!

+15