大女王曼喜帶女朋友新年見家長？ 馬詩慧：見過好多次啦！
撰文：林迅景
出版：更新：
名模馬詩慧（Janet）與細女王麗嘉（Irisa）今日出席美容品牌的活動，接受《香港01》訪問時，就表示中國農曆年假時一家人將會留在香港度過。
馬詩慧、王敏德一家。（IG@kaylaiw）
馬詩慧：「拜年都唔多，最多都係返去我婆婆度（拜祭），因為我阿姨佢哋都係住喺佢度。」新年會去旅行？「比較少，因為怕人多，其實農曆新年留喺香港都幾好，因為個個人都走晒，所以去邊度都唔塞車，又冇乜人。其實我哋唔會好大肆慶祝，反而會比較重視聖誕同埋感恩節。」
馬詩慧同細女出席品牌活動。（陳志嵐攝）
問到大女王曼喜（Kayla）的新女友Elaine會否去馬詩慧家中見見面？她就馬上說：「我哋見過好多次啦喎！（拜年呢？）我哋都唔興呢樣嘢，佢都唔會興，哈哈。」接受訪問時，被問到Elaine是否已經融入家中，馬詩慧就說：「我哋好容易融入，唔難相處。」對Elaine印象如何？她答：「唔係我覺得，最重要係個女覺得點，唔係我哋唔重要，但始終係個女嘅感受先係最重要。」
+5