【情人節】陳山聰宣布老婆有喜　IG認「跟風」：呢期潮流興！

陳山聰去年11月與拍拖五年的圈外女友何麗萍（Apple）拉埋天窗，當時談到小朋友的話題，他說：「隨緣，希望上天會賜個畀我哋。我就鍾意園囡多啲，但嚟到嘅話仔女都鍾意㗎喇。」在1月《萬千星輝頒奬典禮2019》舉行之際，他亦展示了恨做爸爸的心情：「生仔唔可以等太耐啦，因為我冇乜好長嘅時間生架啦！」今日正值情人節，陳山聰就跟大家分享好消息！

陳山聰在個人社交媒體宣布陳家喜迎新成員，並標籤「依期潮流興公佈有咗」分享喜訊：「我老婆情人節好小（少）會俾（畀）驚喜我，不過今年佢送咗份我最想要又好鍾意嘅禮物！感恩上天賜俾我地一粒小蒜頭！2020我又多一個身份『陳爸』，我會努力好好保護同照顧你同媽媽，希望你可以健康快樂成長！今個情人節我哋一家三口祝️大家甜甜蜜蜜，身體健康，Happy Valentine's Day！」至於孩子的性別，陳山聰則保持神秘說要在兒童節揭曉。