余德丞被指與新歡行街睇女裝 聞報道感錯愕：冇影咩行為呀？
撰文：吳子生
出版：更新：
余德丞（Dickson）昨晚（24/2）現身電視城出席無綫綜藝節目《娛樂大家十點半》錄影。對於日前有報道指他與一名外形甚似小儀的女生約會睇戲，並毫不避嫌陪實睇女裝衫，不過最後都空手而回。Dickson表現錯愕：「吓，應該冇影到啲咩行為呀？我同嗰個女仔都係正常社交啫，大家係正常朋友關係。」
因疫情影響，Dickson原定3月要覆檢身體都要無限期押後。（梁碧玲攝）
余德丞從記者手機睇到相關報道表現錯愕。（梁碧玲攝）
被問到是否喜歡這個類型女生？Dickson坦言：「其實女仔同得我做得朋友，大部份都同我性格都好似，唔會係嗰啲好奄尖嘅人。」經常被影到同不同女生約會，是否不怕影響形象？Dickson直言害怕：「當然我唔希望畀人嘅印象花弗花心，始終我哋做藝人都要食飯出街呼吸新鮮空氣，咁所以唔會話特別去避忌。」
Dickson坦言會毫不避嫌下，繼續約會女性朋友食飯，認為每個人都應該有正常社交生活，乃屬正常事。（梁碧玲攝）
Dickson透露因疫情影響，手頭上一輯廣告拍攝工作都要煞停。（梁碧玲攝）