【三十而已】高海寧怒摑小三江疏影 演技大爆發反惹網友指責?

撰文:鄺鈺瑩
出版:更新:
劇中高Ling先係喺健身中心偶遇江疏影,之後再去其名牌掃貨,付款時拎出男友馬志威嘅信用卡予對方,好高招!(sammkoling@ig圖片)

加入TVB逾十年嘅高海寧,近日終於獲公司安排賺人仔,喺內地劇集《三十而已》演出,雖然只係客串形式,但由於劇集大受歡迎,對高Ling嚟講無疑係一個好開始。同《迷網》一樣,高Ling喺《三十而已》中都係陷入另一半偷食嘅困境當中。劇中同馬志威拍拖多年嘅佢,得知男友搭上江疏影後,即時飛到上海、直踩江疏影工作嘅名店對質,結果講唔夠兩句,高Ling一把摑落去,真係睇到都覺得痛……

高Ling表示當初都唔敢摑,但江疏影叫佢放心打。(影片截圖)

之不過,高Ling呢一摑,似乎引起江疏影嘅粉絲不滿,喺微博發文表示:「就你也配扇江疏影耳光?」明指高高Ling未夠級數同江疏影做戲……有網民隨即安慰高Ling「這角色可恨說明你演技好」,亦有網民表示之後可能會有更多類似嘅評論,叮囑高Ling要做好心理準備。

江疏影喺不知情下做小三,正印高Ling飛上海對質兼出手。(影片截圖)
高Ling都係跟劇本做戲,但竟然被網民指唔夠資格打江疏影。

或者係因為自己喺內地首次演出,所以高Ling昨晚難得現身微博並逐一回覆評論,對於被指未夠級數摑江疏影,佢就十分淡定咁話「入戲太深,懂的」,同時又以「放心,沒事兒!三十而已的女人就是這麼淡定」去安撫其他網民,看來高Ling進軍內地踏出成功第一步喎!其實高Ling之前接受訪問時,透露因為檔期關係,所以只拍了兩日的戲份,換言之,佢一開工就要同江疏影對質、掌摑,雖然高Ling入行多年,但話晒都第一次拍國內劇集,加上對手係江疏影,絕對係唔少壓力。

高Ling以客人身份去到名店,點名要求江疏影俯身為佢服務。(影片截圖)
+5

再睇埋高Ling跑步

+24