【幕後玩家】「最強小三」劉佩玥對賤男要狠心：唔可以姑息！
撰文：林通賢
出版：更新：
劉佩㻚飾演的Emma，基本上在劇中由頭搶到尾。（網上截圖）
如果遇到好似Emma這麼強的小三，直頭想融入家中，分享老公，女人都好難唔驚。
奸角永遠最搶鏡，劉佩玥在《幕後玩家》飾演Emma，由第一集開始以小三形象出場，除了同黃宗澤親熱戲搶鏡，早幾集的進擊招數，令到不少女粉絲看得火滾，更被封為史上最強小三；當然要找真身Emma即是劉佩玥Moon講解下，有什麼方法對付這個女人公敵，不過阿Moon都表示沒有辦法，她說：「現實中我就好好彩未遇過，至於對付小三的招數，我覺得最緊要做好自己先，首先自己唔好做小三先，自己畀自己價值都好重要，好多受害者有時會諗可能自己唔夠好，所以佢先出去『耍耍滾』呀，或者搵小三，我就覺得咁諗好錯，因為男方做錯絕對唔關你事，而對付小三最好嘅方法就係放手，男方如果因為另一個始亂終棄，呢個男人都唔係一個好嘅人，佢對其他人都會咁做，唔好去姑息。」
昨晚24集Emma目睹Sheldon偷食，之後在街頭被Sheldon飛，認真可憐。
對付小三阿Moon就話最好放手，放開所有，如果現實中有個Sheldon男友又如何鎖實呢？她說：「點樣鎖實呀，成日諗其他人冇用嘅，做好自己就夠架喇，成日諗點提防呀？男友會唔會出軌呀？冇用㗎，就算另一半做錯嘢，都唔關自己事。呢套劇畀我最大得著，就係做人要光明正大，無論追求權利、金錢、愛情，行錯一步就滿盤皆落索。」真想不到問阿Moon講如何鎖實男友，她可以講到去《幕後玩家》的中心思想，還可以用「滿盤皆落索。」做結尾，阿Moon真的有文采。