陳茵媺（Aimee）早前和女兒Camilla去到主題樂園參加活動，讓Camilla一圓公主夢，為女兒戴上皇冠及穿上公主裙，並上載多張花絮照並感慨地留言：「時間過得好快，我們的小公主長得真快，雖然她仍然喜歡戴皇冠和禮服，但我會盡力捕捉這個神奇時刻，感謝你擁有我們，留下終生難忘的回憶。」有網民大讚Camilla 五官精緻同媽咪一樣咁靚。

Aimee今日（29/3）現身尖沙咀出席《慧妍雅集43週年慈善晚宴2025》。Aimee接受《香港01》訪問時表示：「其實囡囡佢不嬲都好注重打扮，記得佢6個月大已經開始揀自己鍾意嘅衫，而且佢好鍾意粉紅色，每次都會揀粉紅色嘅裙仔着。（係咪遺傳咗你愛靚？）哈哈，其實我就唔係好貪靚，不過我就好欣賞佢好識點樣去襯衫。（佢有冇攞你啲高踭鞋嚟着？）有呀，佢尋晚先攞咗嚟着，佢係好鍾意高踭鞋。」