周吉佩（吉吉）今日（30/5）現身啟德出席CRISATHENA × CHILLPANDA（無憂熊貓）《愛的傳遞是最新潮流》新店開幕。提到為書展推出自傳《第三人生》，吉吉接受《香港01》訪問時表示：「其實自己一直都有咁嘅想法出自傳，以前同而家嘅經歷好唔同，以前係講夢想，但而家去到一個時機，我覺得可以記錄我3段人生，一啲追夢嘅過程，明白好多人未必認識我嘅過去，我就會喺本書度講晒俾大家聽，同埋會記錄一啲前輩對我嘅直鼓勵嘅說話，一一喺書上同大家分享。」

對於有網民批他38歲之齡就推出自傳未免過早，吉吉表示：「我自己都有留意到網民對我嘅睇法，但我本身係有經歷過，會由小孩子開始講起，因為我成長比較特別啲，居住喺一啲好殘舊嘅木屋區，雖然生活條件唔好，但嗰段時間係好開心，到現在，我反而好嚮往嗰陣時嗰種生活。」