胡定欣去年宣布成功脫單，與年輕有為醫美醫生陳健華 （Akin）拍拖，今日（6/10）胡定欣驚爆宣布，已於10月3日下嫁醫生男友，並公開唯美甜蜜婚照，獲不少圈中好友送上祝福。

馬國明今日（6/10）現身將軍澳電視城出席無綫節目《攻你上大學》錄影，接受《香港01》訪問時表示：「其實係好突然，咁我首先祝佢白頭到老啦，身體健康，兩公婆都恩恩愛愛，好開心喺呢個中秋節見到呢個消息，人月兩團圓啦。」

被問到知否對方舉行婚禮？馬國明表示：「其實我就唔知，但我諗佢啲好姊妹胡杏兒嗰班就知嘅，相信姚子羚更加會知。而我最近都有同姚子羚喺深圳拍緊劇，佢係冇透露到，咁所以佢哋咪好姊妹囉。（知唔知佢哋返香港會唔會大搞？）咁我又唔知，因為佢老公係圈外人嚟，咁所以都俾返啲私隱人哋啦，到時等胡定欣自己宣布。」