備受影迷期待的熱血續作《九龍城寨之終章》將於下月開工，「陳洛軍」林峯亦已進入戰鬥狀態。不過，在即將展開天崩地裂的動作戲拍攝前，這位「二十四孝老公兼爸爸」抓緊每分每秒，將私人時間全數奉獻給太太張馨月及愛女「小格格」。

開工前「家庭時間」優先

林峯今日（31/3）現身又一城出席品牌活動時，接受《香港01》訪問時表示：「因為《城寨》要開工，變咗一開工就成幾個都好忙，加上小朋友又要返學，所以就要抽時間去陪佢，同埋我都會同囡囡講爸爸會幾時返嚟嘅。不過之後相信都會好忙，佢哋如果放假有時間就嚟探班。」

「城寨四子」進入魔鬼訓練

林峯透露為了呈現最佳的武打狀態，「城寨四子」早已進入「魔鬼訓練模式」。他表示自己與劉俊謙、胡子彤及張文傑四人近期正不斷自發加操，無論是體能還是武打動作都務求精益求精。他說：「Kenji嘅團隊就通常系成 team人招呼我哋一個人嘅，所以嗰兩三個鐘係甘嘅，因為今次始終係續集，雖然知道打啲乜，都希望可以再進化啲，壓力大家係有嘅，我哋好希望俾到驚喜大家。」