林漪娸早前在節目中驚爆，當年拍劇曾遭戴志偉強行「加料伸脷」突襲，直斥對方「肯定蝦𡃁妹」，隨即掀起網民熱議。不過，近日有網民翻出兩人兩年前一同打高爾夫球的合照，畫面中兩人笑容滿面，關係看似相當融洽，引發熱議。

林漪娸驚爆拍戲遭戴志偉「加料伸脷」

林漪娸日前作客電台錄音訪問時，罕有大爆入行初期的驚人經歷。她透露當年拍攝一場馬路接吻戲時，遭戴志偉突然「加料」伸脷，突襲舉動令她至今難忘。林漪娸在訪問中愈講愈激動，她連珠炮發大爆：「呢個戴志偉就唔係，嗰場戲講我同佢喺馬路錫，明明係錫錫，佢伸脷喎！戴志偉你記唔記得？我就記得好清楚，佢肯定蝦𡃁妹啦！」這場普通鍚鍚戲，結果慘變伸脷濕吻，她記得好清楚，更指對方肯定蝦𡃁妹！

網民翻出兩年前同框舊照

然而，這場「伸脷風波」曝光後，即時引來網民起底。有網民發現兩年前林漪娸與戴志偉曾一同現身打高爾夫球。從相片可見，同行的還有任達華、劉玉翠（現名劉喬方）等圈中好友，眾人面對鏡頭時笑容相當燦爛，表現自然。從合照看來兩人關係並不差，令不少網民大感意外。