TVB經典劇集《苗翠花》當年大受歡迎，劇中飾演「三姨太」的惠英紅與女主角關詠荷默契十足，但二人初次合作時竟曾有過誤會。近日訪談節目《回到未紅時》舊片段於網上重新翻Hit，惠英紅當面大爆最初非常討厭關詠荷，直指對方當年「藐嘴藐舌」且態度冷淡，平時問話往往只以「飯囉」、「係啩」等敷衍回應，讓她一度覺得對方難以接近。

關詠荷笑著澄清非耍大牌

惠英紅直言：「我初初識佢呢，我就覺得佢幾討厭！藐嘴藐舌呀，又唔睬人！」關詠荷隨即笑著否認：「我冇藐嘴藐舌！」惠英紅接著還原當時情況：「平時問佢：『喂，你今日食咗啲咩呀？』佢答：『飯囉。』『你陣間嗰場戲點呀？』佢答：『係啩。』永遠都係一個字答你！」

面對惠英紅的直白「控訴」，關詠荷隨即笑著澄清自己絕非耍大牌，而是因為個性內向：「其實我都唔係，我覺得你講得我太差喇！我唔係好識奉承人。我怕溝通，怕講多錯多，都有啲係為咗保護自己。」她坦言自己只是不擅社交與言語表達，才導致初次合作時給人留下冷漠的錯覺，幸好兩人開誠布公後順利解開誤會，亦成就了劇中的精彩火花。