胡鴻鈞公開大爆「變靚」之謎 化身「一日店長」變大夫問診

撰文:種嚶嚶
出版:更新:

樂壇男神胡鴻鈞(Hubert)自出道以來,精緻的五官與日漸緊緻的輪廓一直是網民津津樂道的話題。日前,Hubert以一身型格造型現身,輪廓線條確實比以往更加分明。面對多年來的「變靚仔」疑雲,他這次不僅沒有避談,反而大方開腔回應,更公開自己「越變越靚仔」的終極秘密!

胡鴻鈞獲邀擔任海港城分店的「一日店長」。(公關提供)

胡鴻鈞大爆「變靚仔」秘密

談到網民經常笑指他「變靚仔」,Hubert哈哈大笑表示:「講真,我就真係唔覺得自己特別靚仔。我純粹係對於美容、護膚上係有少少心得,我係好注重自己嘅皮膚,我係工作到就算幾夜、幾攰、幾眼瞓,咩狀態都好,我都要洗乾淨塊面,搽晒所有護膚品先瞓,我係風雨不改,呢樣嘢絕對係「變靚」嘅重點,就係唔可以懶。」Hubert表示自己係比較貪靚,再加上遇到好的美容代言產品,所以就令自己的樣貌「越變越靚仔」。

胡鴻鈞自認十分貪靚,所以他一直十分關注很多好用的美容產品。(公關提供)

胡鴻鈞化身「一日店長」變大夫問診

日前美容品牌特別邀請了他為海港城分店充當「一日店長」,為他們的「顧客」親自講解美容心得,務求令顧客們都可以好似Hubert咁越變越靚。現場不少粉絲為了能與男神近距離接觸兼偷師護膚秘訣,紛紛當場下單。凡於現場購買指定金額嘅朋友,就有機會與Hubert合照及談美容心得。

在「一日店長」活動中,胡鴻鈞更為每位「顧客」講解產品的功用。(公關提供)

Hubert轉眼就化身成一名專科醫生,當每位fans去到他面前時,Hubert第一句就問:「點呀你啲皮膚?」場面就如大家平時睇醫生一樣,相當搞笑。Hubert謂:「其實我好難得可以同粉絲一齊交流『扮靚』嘅心得。因為平時同佢哋見面都係可能影張相、簽個名就完,今日呢個活動真係可以同佢哋面對面傾吓近況,問下佢哋啲皮膚想點改善呀,當然佢哋係想同下傾私人嘢多啲,但點都好,今次個活動我係覺得非常有意義,同好開心嘅。」

胡鴻鈞當日更與每位到來的「顧客」影相及簽名。(公關提供)