戴耀明冇返內地吸金做直播帶貨　呻窮手緊唔知點過年：唯有少出街

戴耀明早前透露返內地幫人帶貨做直播，單一出場費收入已高Tvb三倍。但因疫情嚴重，返內地人士需要隔離21天，簡接影響本地藝人北上吸金機會。戴耀明今日（24/1）現身電視城出席無綫熱播劇集《鐵拳英雄》宣傳造勢活動時表示：「因為而家好多商家知道我哋上到去要隔離咁多日，佢哋好多都唔願意俾咁多日嘅酒店住宿費。咁所以而家佢哋都會搵一啲已經喺內地嘅香港藝人，好少會搵啲喺香港嘅，咁所以我都冇再接上面嘅嘢做。（收入少咗？）哈哈！係呀，所以近排比較手緊少少。（就過年點搞？）哈哈，冇辦法，唯有跑多啲山啦，同埋少啲出街，盡量慳住使。」