【榴槤自助餐】曼谷抵食水果放題回歸！過40款榴槤水果、甜品任食
撰文：莫韻澄
出版：更新：
香港天氣乍暖還寒，不過在曼谷已正式進入嚴夏，還有個半月便到新年潑水節！適逢4月亦是果王榴槤的當造季節，來一頓榴槤放題更是賞心樂事！要數最受香港網民歡迎的水果自助餐，必然是曼谷Baiyoke Sky酒店的榴槤放題，上年爆到要上網預約先食到！酒店今年提早開鑼，過20款榴槤甜品及多數當造水果任食，即睇網友試食評價！
過20款榴槤甜品
每逢榴槤季一到，各款以榴槤作招徠的甜品在曼谷大行其道，榴槤糯米飯刨冰、雪糕、榴槤包等等，如果想一次過食晒各款榴槤甜品的話，那當然不能錯過曼谷特式榴槤自助餐！Baiyoke Sky的榴槤放題之所以備受網民推祟，皆因店內榴槤全部由專人即叫即開，保證新鮮，而且餐廳位於室內兼有冷氣，大人小朋友都食得開心！食物方面，單是榴槤甜品便有過10款，足以令花心榴槤控過足口癮！
▼按圖查看現場有咩榴槤甜品！
一年一度的榴槤水果放題2月有得食喇！（圖片來源：Ben Lai）
+9
當造生果任食！
除了榴槤甜品，現場亦提供數十款新鮮水果，及超過20款經典泰國甜品小食，包括港人最愛的芒果糯米飯及青木瓜沙律，不少網友表示，多食幾份榴槤、芒果糯米飯及當造生果便足以回本！雖然所有水果可以任叫，不過餐廳希望大家惜食，如果有客人浪費食物，餐廳會加收每位500泰銖，大家記得量力而為。
▼按圖查看更多甜品小食及自助餐價錢
除了榴槤，現場還有各式各樣的當造水果，好豐富。（圖片來源：Kwai_Ming_Chan）
+15
Baiyoke Sky Hotel
地址：18/F Fruit Court, 222 Ratchaprarop Rd., Ratchathewi, Bangkok