【深圳美食】海鮮控必試7kg重小龍蝦七宮格鍋 限時食完仲有折!

撰文:深圳微時光
出版:更新:

有冇見過一堆坐住UFO嚟嘅小龍蝦?7種口味任揀的UFO級別巨型小龍蝦拼盤,直徑80cm,全個鍋重約7KG!4月底前去幫襯,如果20分鐘內食完,仲要有5.8折!不過其中一款必食的「江南熟醉小龍蝦」,食咗可能會醉,兒童不宜。

有冇見過一堆坐住UFO嚟嘅小龍蝦?7種口味任揀的UFO級別巨型小龍蝦拼盤,直徑80cm,全個鍋重約7KG。為滿足食客打卡影靚相,店家仲特登加埋乾冰特效,煙霧繚繞的龍蝦UFO就連手機攝影鏡頭都已經未食先飽(vivi吃深圳提供)

呢款巨型龍蝦七宮格一出場,就連身型唔瘦的小編,張大雙手都圍唔晒個鍋,冇返十個八個「隊友」一齊嚟挑戰根本hold唔住!為滿足食客打卡影靚相,店家仲特登加埋乾冰特效,煙霧繚繞的龍蝦UFO就連手機攝影鏡頭都已經未食先飽。肉眼目測每個格仔唔會少過20隻小龍蝦,七宮格原價1288蚊人仔,折後700幾蚊人仔,計落每人唔洗80蚊人仔就可以大拆特拆。

如果覺得「七宮格」太大堆頭食唔晒,五宮格或者雙拼份量都夠晒「殺傷力」,至緊要係如果4月底之前去,只要挑戰於限時內食完整個龍蝦鍋,仲有相應的優惠。(詳情請見文末)

N種口味任揀

拼盤鍋的7種口味都可以自己揀,如果有「隊友」唔食小龍蝦,都可以揀「皮皮蝦」(即瀨尿蝦)或者其他海鮮,非常貼心!店裡有油燜、蒜香、蛋黃、清蒸、十三香、熟醉,仲有各種做法的蝦尾、海鮮等。老闆自信表示,就算瞇埋眼落Order,樣樣都咁好味!

必推:江南熟醉蝦

江南熟醉蝦是將活蝦蒸熟後即刻冰鎮,然後浸入特調的醉滷中,十多種香料與3種好酒的結合。以紹興花雕酒為基調,山西汾酒和白蘭地給這款蝦帶來了豐富的層次感。風味類似江南醉蝦,但呢種做法喺深圳都係第一次見。用「熟醉」做法做出來的小龍蝦鮮美彈牙、蝦肉微甜,冇腥味,聞起上嚟有陣濃郁的酒香,算得上是小龍蝦界中的一股清流,配方是老闆從上海五星廚師帶來的,每日限量發售,遲去就可能冇。

+3

江南熟醉蝦對蝦的品質非常講究,選的都是湖北潛江最大的青殼蝦,蝦腮、蝦肚全部白白淨淨,名副其實的「白富美」。本來以為江南熟醉蝦的味道會比較清淡,誰知經過美酒浸泡的大蝦,唔駛醃料就夠味。雖然仲未到小龍蝦最肥的時節,滿滿的蝦膏亦都非常驚喜。

經典十三香 

老闆說經常被深圳當地的熟客吐槽「為什麼沒有十三香?」(十三香是指中菜使用的一種調味料,因以約13種香料混合而得名),這次新出的十三香口味絕對讓熟客新客都欲罷不能!花椒、八角、桂皮、香葉…加埋薑蔥蒜、秘制醬料同小龍蝦一齊猛火爆炒,無敵香氣緊緊鎖在小龍蝦裡。醬汁雖然「黑鼆鼆」,十三香的精華全部都喺晒裡面,淋於剝好的蝦上,食起上嚟更加爽。

經典油燜最受歡迎

油燜是小龍蝦最經典的做法,燜煮前先用香料大火翻炒,再倒入兩大支啤酒大火燜十幾分鐘,香味會隨時間慢慢滲入小龍蝦裡會。油燜蝦已經預先開邊去咗蝦腸,蝦殼勁易剝,蝦肉又爽又彈,望見都流晒口水。再淋小小汁,相信冇人頂得住!

+1

蒜蓉蝦與蛋黃蝦

蒜蓉同鹹蛋黃也是小龍蝦的經典做法之一,深受小編這種不太能吃辣的人喜愛,兩種香味各有千秋。剝完殼之後再潷一大羹蒜蓉,如果食完呢堆蝦你另一半仲肯同你Kiss,一定係真愛。每一隻蛋黃蝦剝好都要喺鹹蛋黃裡面碌N次,恨不得將全隻碟裡面所有鹹蛋黃全部都蘸晒,呢種食法先夠爽!

蒜蓉蝦與蛋黃蝦(vivi吃深圳提供)

椒鹽瀨尿蝦與麻辣蝦球

齋食小龍蝦可能有啲寡,店家一般會建議客人配一份麻辣蝦球同一份瀨尿蝦。唔好睇蝦球細細,裡面真材實料,肉質夠晒爽彈,一啖一粒辣味十足,嗜辣星人同「懶癌患者」絕對唔可以放過。瀨尿蝦剝開蝦殼,帶着椒鹽味的蝦肉飽滿鮮嫩,超正。

堅持使用炭火燒烤

除了小龍蝦,「桃醉里」仲有炭火燒烤。相比起電烤爐,木炭能保留烤串的原汁和清香,小小細節卻能讓烤串提升幾個層次,當地好多熟客喺冇龍蝦的季節都會來整返串捧場。

幾十款江湖菜式同小食

小食、小菜的選擇多到令人眼花繚亂,上至濃烈的「水煮牛蛙」(即田雞),下到小清新的冰粉糖水,唔會食唔飽。

限時挑戰小龍蝦海鮮鍋詳情▼

限時挑戰小龍蝦海鮮鍋詳情(vivi吃深圳提供)

桃醉里燒烤海鮮江湖菜館
地址:南山區前海路陽光花地苑內小廣場平方超市二樓(同濟堂醫藥旁)
人均:約¥70
營業時間:星期一至日11:00-02:00
電話:18898614285、17727559667
Tips:
1. 開車一定要由前海路北行方向進去,千萬別進南山村,走到陽光花地苑路邊商舖,從尊寶披薩旁的小路進入就對啦
2. 地鐵可以坐到大新站C2出口,轉公車坐2站到鼎太風華站後步行到店

【本文獲「vivi吃深圳」授權轉載,微信公眾號:viviszsz】

【周五心意運動.讓#心意成為眼和耳】您捐一份$50晚餐錢,已可資助殘障家庭的子女用知識改變命運,即到「01心意」平台捐款支持【香港傷健共融網絡】殘障家長子女支援計劃