不滿快餐店員閒聊 港媽教女:學好英文可以寫Email去總公司投訴

撰文:安祖娜
出版:更新:

今時今日的服務業真的不易做,閒聊幾句都可能被投訴。有網民投稿至facebook專頁,稱早前到快餐店食早餐時,兩名「嬸嬸級」員工閒聊數句,竟惹起旁邊一名正與女兒吃早餐的港媽不滿,開聲指責:「請你哋嚟吹水定做嘢呀?」港媽之後繼續指罵,更揚言要投訴至快餐店總公司,之後更勸女兒學好英文,「到時遇到呢啲情況就可以寫英文Email去總公司投訴佢地㗎喇」。

有網民稱早前於快餐店遇到一名港媽因不滿員工閒聊而破口大罵,更教導女兒要學好英文,以便遇到同樣情況可以投訴。圖為示意圖。(視覺中國/GettyImages)

下載「香港01App ,即睇城中熱話:https://hk01.app.link/qIZYuEC5LO

該網民日前投稿至fb專頁「西客之道」,分享早前到快餐店用餐時遇到怪獸家長的經歷。樓主稱,有日上班前到麥當勞吃早餐,遇到一對母女,「個女睇落大約讀緊一二年級左右,港媽睇落30」,女兒一邊吃早餐,港媽便一邊檢查其功課。

當時附近有兩名大約50歲的女員工收好盤後閒聊數句,樓主形容兩人「正常聲浪並無特別大聲」,不料港媽聽到後感到不滿,大聲責問:「喂你兩個而家請你哋嚟吹水定做嘢呀?吹完未呀?」兩員工聞言即道歉,不過港媽未「收口」,繼續指罵:「你哋喺度嘈住我個女食早餐呀!我要投訴你哋!叫你哋經理出嚟!」

樓主投稿至fb專頁,講述遇到麻煩港媽與女兒吃早餐的經過,帖文引起網民熱議。(fb專頁「西客之道」截圖)

其中一名女員工再向港媽道歉,希望大事化小,另一員工則忍不住與港媽對罵,港媽遂「越鬧越起勁」,直言「抵你哋做死一世M記啦,我而家就投訴你呀!投訴到你連M記都無得做呀!我會寫Email上你總公司投訴你添呀」。先道歉的一名員工見狀,即時拉開同事,免她與港媽繼續爭吵。

當兩名快餐店員工離開後,港媽便向坐在對面的女兒說:「嗱!你要學好啲英文呀!到時遇到呢啲情況就可以寫英文Email去總公司投訴佢地㗎喇!知唔知呀?」樓主稱,看到港媽的女兒聽罷「唔出聲默默地點頭」,「我就明白點解香港咁多西客」。

+2

帖文引起網民熱議,有人批評港媽向女兒灌輸錯誤的價值觀,「人品唔好,讀幾多書都無用」,笑言該港媽「要去圖書館先食到嘢喎咁搞法」。有網民則認為職業無分貴賤,不明白港媽為何「自我感覺良好」,「通常講呢啲既都係唔識英文。父母英文叻使鬼叫個女學好英文咩,有冇見過父母英文流利嘅子女會唔識英文?」

不過,亦有網民認為兩名快餐店員工要負上部分責任,「唔係特唔特別大聲問題,喺個Lobby(大廳)吹晒水咁,會唔會唔係好啱場合呢?吹水返後欄吹啦,第一日撈飲食咩」。

(facebook專頁「西客之道」)