街上看見如此失物，實在是匪夷所思！有港男日前於港鐵筲箕灣站附近拾獲1個電視搖控器，於是交到客戶服務中心，並於網上失物群組發文，提醒失主盡快前往認領。由於電視搖控器通常不會便攜外出，有網民大感好奇，紛紛熱議原因，「係咪起身拎電話拎錯」、「想攞個電話發現變X咗遙控，嬲到掉咗！」又笑稱「Lunch食茶記嗰陣方便轉台」、「好過叫伙記轉，被小」。

港男拾獲電視搖控器　交港鐵職員兼網上尋失主

該港男在facebook群組「香港失物報失及認領群組」發帖，指6月30日（周一）早上近8時，於港鐵筲箕灣站附近拾獲1個電視搖控器，由於他當時趕着上班，故於晚上近7時才交到筲箕灣站的客戶服務中心，他其後貼出照片，呼籲失主「稍後到客服自行認領」。相中所見，樓主拾獲1個黑色、Sony（索尼）牌子的電視搖控器，他之後已交予港鐵公司職員。

網民熱議原因：可能以為係手機

帖文引來網民好奇，「千奇百怪」、「袋住個電視遙控返工？」、「攞出街做乜」。不少人猜測背後原因，「家長拎埋返工，唔畀小朋友睇電視」、「係咪起身拎電話拎錯」、「想攞個電話發現變X咗遙控，嬲到掉咗！」，又調侃「下次會唔會執到冷氣機搖控」。

網民聯想電影《富貴逼人》搞笑一幕

有人就笑稱「Lunch食茶記嗰陣方便轉台」、「好過叫伙記轉，被小」，同時聯想起電影《富貴逼人》搞笑一幕，「富貴逼人，董驃個遙控」、「試試按暫停，看看身邊環境有無暫停」。惟樓主猜測可能物主是搬運時不慎掉下，「可能物主搬運時唔留意跌咗，無咗佢睇電視就唔方便」。

（facebook「香港失物報失及認領群組」）