便秘人士有救啦！有「便秘按摩師」於網上發文分享，日前接了1位因戒煙導致便秘的中年男客，她一按客人腹部，立即感到「個肚硬、脹、氣滿到似打氣泵咁」，按了不夠10分鐘，客人不適感終於有舒緩，還在她店內大便了兩次。

帖文引來熱議，網民驚訝「第一次聽呢個『師』」、「第一次聽呢個職業，算我孤陋寡聞」，又笑言「第一次睇Threads覺得有臭味」、「按按下瀨屎點算」、「你舖頭廁所會唔會成日塞」、「好玩唔玩玩屎，btw，地址唔該」。

該便秘按摩師不時於Threads發文分享客人的求助故事，她直言「我做咗4年便秘按摩師，最怕唔係臭，最怕係個腸完全冇反應」。

便秘按摩師分享：中年男戒煙致便秘

按摩師日前接了1位因戒煙導致便秘的中年男客，「佢一坐低就同我講：我戒緊煙，所以成個人好唔順」。她一按客人腹部，感覺「個肚硬、脹、氣滿到似打氣泵咁」，按了不夠10分鐘，客人「上面排氣，下面又想去，個腸好似終於肯開口講嘢」。

中年男按摩後店內大便兩次

按摩師向客人說了1句真心話，「屁臭唔可怕，最怕係連屁都冇」，沒料到「我接埋第二個客佢都仲未走，因為喺我間小店屙咗2次」。

按摩師強調，「只要唔整污糟洗手間，我係真心welcome，因為肯排＝條腸仲有救」。

網民恭喜中年男成功排便：戥阿叔高興

網民留言笑說，「哇應該好X爽，個呀叔一定屙到隻眼撐到兩吋大，眼白都反埋，啲屎漢堡包咁大個，黃金體驗，戥阿叔高興」、「《華爾街狼人》告訴我，要懂得製造需要，相信呢個時候你租個廁所出去，收每6秒10蚊，唔係難度」。

有網民指出，「便秘唔係食纖維就得，一定要多水同埋要有油份，好多人都驚肥戒晒油，咁樣係最容易有便秘，因為條腸冇油份係好難排便」。

有網民求救說，「點解英國冇您呢啲按摩師，上個月急性病住院，便秘3個星期，谷到好似有咗咁，伴侶影我相，佢啲friend留言恭喜幾時生，日日飲醫院派嘅藥都冇用，谷到個人企唔直，宜家每朝要上磅，連埋水腫兩星期跌咗13公斤，但仍然屙唔到呀！好掛住屙屎！」。

（Threads@6bookingfor1day.tt）