行李箱還是最好放身前看緊，避免突然滑走！近日網上流傳1段既爆笑又危險的行車記錄儀（車cam）影片，有男子於香港國際機場落客區下車，一時未有捉緊行李箱，行李箱竟從行人路飛快滑出馬路，幸男子及時衝出救回，未有造成交通意外。

網民紛紛代入行李箱視角笑言，「迫我飛？我就死畀你睇（衝出馬路）！」、「個篋話：香港咁好點解要走？」、「送機送到你來呢度啦！走先Bye！」、「走先啦係咁先啦，下次再玩呀」、「唔想過輸送帶、唔想俾人掉嚟掉去」。

有網民於facebook群組「車cam L（香港群組）」分享該段影片，代入行李箱笑說「我唔想飛吖，要飛你自己飛啦」。

行李箱突滑出馬路　男子驚險衝出救回

影片見到，事發於10月28日清晨近7時，有男子於香港國際機場落客區下車，當時他左手抱着背包，右手提着行李箱上行人路，他先將行李箱放在柱旁，接着揹背包。

惟該處路面疑傾斜不平，在男子雙手未有捉緊行李箱之際，行李箱突飛快滑走至馬路中間，幸未有撞上駛經的車輛。男子揹好背包後才驚覺不妙，立即轉身衝出馬路，成功救回行李箱，過程十分驚險。

網民無奈男子未看緊行李箱　幸身手敏捷

「揹個背囊揹咗5秒再望下個天花，以為自己拍緊韓劇」

「都算你身手敏捷」

「好X危險，好彩暫時沒車！」

「撞到架Benz（平治）就……」

網民錯重點讚行李箱滑輪：幾滑幾順

「話畀你聽個轆幾滑幾順」

「個轆仔好順滑，乜嘢牌子」

有網民笑將行李箱比作汽車

「唔拉手掣」

「無論軚尺、避震、加速力都好好，唯獨小路出大路觀察力唔夠」

（facebook群組「車cam L（香港群組）」）