輪公屋獲派頌安邨 單位對正這處+聞前住戶病歷欲拒 街坊笑走寶

撰文:程譽恩
出版:更新:

馬鞍山頌安邨鄰近馬鞍山海濱長廊,部分單位擁有海景,是不少人夢寐以求的居住地點,但竟然有公屋輪候者因兩原因卻步?該輪候者近日於網上發文徵求意見,指出獲派頌安邨頌群樓,但聽聞前屋主精神有點不正常,加上單位對面是垃圾房,故糾結應否接受此編配。

網民直指不理解樓主為何有此憂慮,「放心,精神病唔會傳染」、「好彩係前屋主精神有問題,而唔係對面屋主嘛!」,有網民建議先實地考察再決定,「親自去現場睇咗先啦!我哋隔籬都係垃圾房,但異味少走廊又算乾淨,所以照要咗,住咗幾年都無咩大問題」。

有頌安邨居民留言盛讚屋邨,「好住到爆,你唔要大把人要」、「頌安可以話成個馬鞍山坐車最方便嘅公屋」、「派到好過中六合彩」、「如果唔係凶宅要咗佢,否則走寶」。

有公屋輪候者近日於網上發文徵求意見,指出獲派頌安邨頌群樓,但聽聞前屋主精神有點不正常,加上單位對面是垃圾房,故糾結應否接受此編配。圖為馬鞍山頌安邨。(資料圖片)

該輪候者於facebook群組「公屋討論區」發文問道:「派咗馬鞍山,但聽說前屋主精神有點不正常,加上對面就係垃圾房,要唔要好?」樓主透露,獲編配頌安邨頌群樓。

輪公屋獲派頌安邨 單位對正垃圾房+聞前住戶精神不正常欲拒

頌安邨共有5棟樓宇(頌德樓、頌群樓、頌平樓、頌和樓及頌智樓),分別於1996年至2001年入伙,樓齡25至30年。地理格局上,頌安邨屬背山臨海,屋邨東面背靠馬鞍山郊野公園群山,西面遠眺吐露港與沙田海,景色開揚。

居民步行數分鐘即可抵達馬鞍山海濱長廊,屋邨生活配套充足,附近有頌安商場、新港城中心、馬鞍山體育館、馬鞍山公園,步行8至11分鐘即可到港鐵馬鞍山站或恆安站。

頌安邨居民步行數分鐘即可抵達馬鞍山海濱長廊。(資料圖片)

網民:窮比精神病更可怕

「放心,精神病唔會傳染」

「前租戶關你咩事呀?」

「窮比精神病更可怕」

網民揶揄樓主,「唔好要,等新樓、高層、向南、見海、鄰居上下左右對面正常先要,3次都無就再申請排到有為止」。(《香港愛情故事》劇照)

網民揶揄樓主「嫌三嫌四」

「前屋主有精神病梗係唔好要啦!會傳染㗎!你而家未入去住都已經隔空中招!唔要,一定唔好要」

「唔好要,留返畀有需要嘅人!」

「上到樓有公屋住仲嫌三嫌四?」

「唔好要,等新樓、高層、向南、見海、鄰居上下左右對面正常先要,3次都無就再申請排到有為止」

「尾房又話唔好,最底最頂層又唔好,咁有錢不如住加多利山獨立屋」

「住公屋無得你揀坐向㗎,要求咁高唔去買柏傲莊?」

「唔好要,自己畀錢買迎海」

「最好搵埋風水大師一齊睇樓,佢話OK先考慮」

網民揶揄樓主,「尾房又話唔好,最底最頂層又唔好,咁有錢不如住加多利山獨立屋」。(《幻愛》電影劇照)

網民述住近垃圾房好處:方便掉垃圾

「近垃圾房方便掉垃圾」

「急住嘅,垃圾房關門有咩問題,好過交貴租」

「私人樓都會有單位對住垃圾房啦,咁咪冇人買?」

「住到走廊尾行到水蛇春咁長,不太多垃圾都等到早上返工先去掉」

有頌安邨居民表示,「我住同邨,好住到爆,你唔要大把人要,上手同你有咩關係呢?歧視?」。圖為頌安商場。(資料圖片)

頌安邨居民:好住到爆,你唔要大把人要

「頌安可以話成個馬鞍山坐車最方便嘅公屋,所有巴士線都會經過頌安,大老山轉車返馬鞍山,如果你唔諗價錢,基本上部部車都返到屋企」

「我住同邨,好住到爆,你唔要大把人要,上手同你有咩關係呢?歧視?」

「我住頌安,覺得幾好住,如果唔係凶宅要咗佢,否則走寶,人哋恨都恨唔到」

「頌安邨最值錢嘅係條海濱長廊」

「頌群有啲單位可望到大海,又望到觀音可保佑,環境唔錯,得閒又可以行去海濱長廊散下步,看下大海,唔好諗咁多,要咗佢,又近馬鐵,又可以行去新港城中心,食嘢買嘢選擇又多,又可以行去頌安商場,買餸又平又方便,真係唔錯,派到好過中六合彩」

(facebook群組「公屋討論區」)