長洲村屋晾衫架變時裝店?單車漢停門前「揀衫」屋主:我唔係賣衫
光天化日下想偷衫?有長洲村屋屋主公開閉路電視(CCTV)的截圖,顯示他在門外擺放晾衣架,但有大叔騎單車途經時,竟然停下如當時裝店般「揀衫」,之後更拿起1件上衣仔細觀察,幸好附近有裝修工人提醒,大叔才沒有得逞取走衣物,引來網民形容大叔猖狂,「賣物會咩?」、「人哋著過、洗過,攞出嚟晾嘅衫你都偷?」。
「行過路過,唔好放過」,有居住在長洲村屋的男戶主在facebook群組「Living Cheung Chau 活力長洲」發帖,並上傳多張CCTV的截圖,公審相中大叔疑似企圖偷取他掛在門外晾衣架上的衣物。
村屋門外擺晾衫架 單車漢如當時裝店「揀衫」
相中可見,1名頭戴黑色鴨舌帽、身穿風衣外套的大叔,騎乘單車途經樓主門外,只見對方忽然停下,從晾衣架認真挑選,並拿起其中1件上身衣物仔細觀察,乍看之下和顧客在時裝店選購衣物畫面無異。
裝修工人及時制止 大叔未能得逞
雖然閉路電視畫面未有顯示大叔帶走衣物,但樓主則揶揄調侃「叔叔,呢度係我屋企,唔係時裝店」、「需要埋鏡併下嗎?」,又感激對面屋裝修工人及時發現並出言提醒,大叔才沒有得逞。
我呢度係曬衫,唔係賣衫
網民錯愕:賣物會咩?
有網民認為大叔行為猖狂,有同樣住在村屋的網民就分享類似經歷,「以前試過,半夜有人爬入露台揀衫,開門即刻抌煙頭走咗去」。
「日光日白都咁,真係畀個叻佢」
「咁都做得出?人哋著過、洗過,攞出嚟晾嘅衫你都偷?做人唔係衰到咁交關呀嘛?」
「以為搵緊女人內衣褲」
「想知最後有冇揀啱心水」
屋主質疑存心偷竊
樓主事後在留言區補充,裝修工人提醒大叔時,他手持3件衣服,質疑對方根本是「扮傻」,打算趁無人發現便取走「心頭好」,可惜最終被迫放回原位。