同事確診想WFH　老闆超串回覆：我咁矜貴都未驚　仲咁反問惹眾怒

【WFH抗疫】本港第五波新冠肺炎疫情下，各行各業大受影響，但仍然有老闆懶理，堅持要員工返回公司上班。有打工仔於討論區發文表示，其公司日前有2位同事確診感染新冠肺炎病毒，遂問老闆是否可以安排在家工作（WFH），惟老闆卻霸氣一句回答「我條命咁矜貴，我都未驚，都唔知你哋啲人驚what」，令人相當無奈。

有打工仔於香港討論區以「大家返工度有幾多人中咗新冠！」為題發帖，指其公司日前有兩名同事確診感染新冠肺炎病毒，於是其上司問老闆是否可以安排同事們在家工作（WFH），以減少風險。不過老闆不但未有答允，更「霸氣十足」回答：「我條命咁矜貴，我都未驚，都唔知你哋啲人驚what！」言論令同事們相當無奈。

帖文引來網民眾怒，直斥老闆無理，反問「佢條命點樣矜貴？」。亦有不少網民分享自己都有類似老闆，「我老闆都覺得無咩值得驚，最緊要公司運作到」、「我老闆一樣，針又唔打，口罩都唔戴，話百毒不侵」、「我中第一日，已經問我聽日返唔返到工」、「坐我後面同事中咗，公司都零通知零消毒」。

另有網民感嘆，現時疫情大爆發難以防範，「我公司都好多人中，好難避……」。

同場加映：打工仔為健康裸辭　派散水餅表心意　無品上司唔只出言單打仲咁做