Twins將於今年十二月十八至二十日假會展舉行《Twins Side by Side Concert》Sidetrack演唱會。消息一出即全城瘋搶，一票難求，不少fans都話「撳到手都軟埋都撳唔到飛」。

Twins演唱會再加開

主辦單位日前已經順應民意加開二十一及二十二日兩場，不過門票依然極速被掃清。今日主辦單位宣佈終極加場，加開十二月二十三日一場。由十八號唱到二十三號，一連六場，唱到跟大家預祝聖誕。

阿嬌透露演唱會是全新挑戰

終極加場，阿Sa直言開心又頭痕，「我自己都要上網撳飛呀，你哋真係唔好同我爭！我自己都係得十幾張，有冇搞錯呀！哈哈。冇咩事我都係部署吓點撳飛啦。」至於阿嬌就話，這次Sidetrack演唱會對她來說是一個全新挑戰，「對於我嚟講全部都係新歌，好有挑戰性。」她又笑說：「所有大家熟嘅歌我哋都唔會唱嘅。」阿Sa接着說：「咁又唔係嘅，即係唱得太多吖嘛，係唱得太多嗰啲唔唱，哈哈。」